A Studio-ს ქართველი სოლისტის ქეთა თოფურიას ყოფილმა შეყვარებულმა, რეპერმა გუფმა Instagram-ზე ინტიმური ფოტოები გამოაქვეყნა, რომელიც სოციალური ქსელის მომხმარებლების კრიტიკის საგანი გახდა.
რეპერმა ფოტოები მალევე წაშალა, თუმცა მისი განხილვა სოციალურ ქსელში მაინცა რ შეწყვეტილა. რამდენიმე დღის წინ გუფმა ქეთა თოფურიას დაბადების დღე მიულოცა და მასთან გადაღებული უცნობი ფოტოებიც გამოაქვეყნა. ყველას ეგონა, რომ ის მომღერალთან შერიგებას აპირებდა, ამიტომ ინტიმური ფოტოების გამოქვეყნება ორ თითქმის შიშველ გოგოსთან ერთად, სოციალური ქსელის მომხმარებლებმა არაადეკვატურად შეაფასეს.
რეპერ გუფისთან დაშორების შემდეგ, A sTudio-ს ქართველმა სოლისტმა პირობა დადო, რომ პირად ცხოვრებაზე არასდროს ილაპარაკებდა. იტალიაში წასვლის წინ კი ერთ-ერთ ინტერვიუში ამომწურავი პასუხი გასცა გუფთან რომანისა და ქმართან დაშორების შესახებ გავრცელებულ ჭორებს.
მისმა Instagram-ზე ცოტა ხნის წინ გამოქვეყნებულმა გუშინდელმა „სთორიმ“ კი საზოგადოებას ახალი სალაპარაკო თემა მისცა. სან-ტროპედან გამოქვეყნებული ნიშნობის ბეჭდიანი ფოტოს შემდეგ, ქეთამ უკვე მამაკაცთან ერთად გადაღებული ფოტო დადო, სადაც მათი მხოლოდ ხელები ჩანს და წყვილს ხელი აქვს ჩაკიდებული, კადრს კი – გულის ესკიზი ერთვის, რომელიც მალევე წაშალა.
ქეთა თოფურიას და რეპერის ურთიერთობას 2017 წლის იანვრიდან რუსული და ქართული პრესა აქტიურად განიხილავდა. სკანდალი მას შემდეგ დაიწყო, რაც წყვილი ტაილანდში, კუნძულ სამუიზე ერთად ისვენებდა.
წყვილი ოფიციალურად რამდენიმე თვის წინ დაშორდა, დაშორების მიზეზი კი ღალატია – რეპერს 18 წლის ეკატერინბურგელ გოგონასთან, იანასთან ჰქონდა ურთიერთობა.
გუფი ცდილობდა, რომანის შესახებ ქეთას არაფერი შეეტყო, თუმცა იანამ მოისურვა, მათი ურთიერთობა ყველასთვის ცნობილი გამხდარიყო და რეპერის დაშანტაჟება დაიწყო. გუფმა იანასთან ურთიერთობა გაწყვიტა, თუმცა ამ ამბის შესახებ ყველამ შეიტყო. მას შემდეგ, ყვითელი პრესა აქტიურად საუბრობდა წყვილის შერიგებაზე, თუმცა აქამდე მათ ამის შესახებ არ უსაუბრიათ.