Праздничное оформление - Sputnik საქართველო
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

ლევან ჯიბღაშვილის ყოფილი საცოლე ლავასოღლისთან ერთად ისვენებს? - ფოტოები

© Facebook / Niniko Natsarishviliნინიკო ნაცარიშვილი
ნინიკო ნაცარიშვილი - Sputnik საქართველო
გამოწერა
მსახიობ ლევან ჯიბღაშვილის ყოფილი საცოლე ნინიკო ნაცარიშვილი სოციალურ ქსელში აქტიურობით არ გამოირჩევა, განსაკუთრებით მას შემდეგ, რაც წყვილი სკანდალურად დაშორდა

ბათუმელი ნინიკო ნაცარიშვილი მას შემდეგ გახდა პოპულარული, რაც ბიზნესმენმა და მსახიობმა ლევან ჯიბღაშვილმა მოულოდნელად განაცხადა, რომ მის ცოლად შერთვას აპირებდა.

მაშინ, როცა ყველას ეგონა, რომ ის მომღერალ სალომე წვერაიძეზე დაქორწინდებოდა, მოულოდნელად ცნობილი გახდა, რომ 18 წლის აბიტურიენტს გაუმიჯნურდა. ნინიკომ მანამდე ფეხბურთელ გიორგი ჩელებაძეზე იქორწინა, თუმცა ისინი მალევე დაშორდნენ.

ნაცარიშვილი-ჯიბღაშვილის წყვილის დაშორების შესახებ თბილისში დიდი ხანი ჭორაობდნენ. ამბობენ, რომ დაშორების მიზეზი ნინიკოს ღალატი გახდა. დაშორების რეალური მიზეზი ცნობილი დღემდე არ არის. ამჟამად ლევანს ახალი ცოლი ჰყავს. ცოტა ხნის წინ შვილიც შეეძინა.

ბათუმში აქტიურად საუბრობენ იმაზე, რომ ნინიკო ნაცარაშვილს ახალი თაყვანისცმემელი ჰყავს და ის კრიმინალურ სამყაროში „ლავასოღლის“ სახელით ცნობილი მინდია გორაძეა. ლავასოღლი ბათუმშია დაბადებული, 38 წლისაა და არაოფიციალური ინფორმაციით, ამჟამად თურქეთში ცხოვრობს.

ამბობენ, რომ სწორედ მასთან ერთდ ისვენებს ამჟამად ნინიკო, რომელიც სოციალურ ქსელში აქტიურად აქვეყნებს ფოტოებს თურქეთიდან.

მინდია გორაძე სანამ კრიმინალურ სამყაროს დაუკავშირდებოდა, მანამდე სპორტით, ჭიდაობით იყო დაკავებული. იგი პირველად 2006 წელს დააკავეს და სასჯელს ბათუმის ციხეში იხდიდა. ე. წ. „კანონიერ ქურდად“ მინდია გორაძეს 2013 წლიდან მიიჩნევენ.

2013 წლიდან მინდია გორაძე უკრაინაში ცხოვრობდა, სადაც მას „ლავასოღლი ბატუმსკის“ ეძახდნენ. ამ სახელით მას ხშირად მოიხსენიებს რუსული და უკრაინული პრესა. 2014 წელს მინდია გორაძე უკრაინაში, ოდესაში დააკავეს და მას სამი წლით აეკრძალა უკრაინის ტერიტორიაზე შესვლა. მედიაში გავრცელებული ინფორმაციით, მინდია გორაძე ოდესაში მართავდა კრიმინალურ დაჯგუფებას, რომელიც ბინების ძარცვით იყო დაკავებული.

2016 წელს მინდია გორაძეს საქართველოს პროკურატურამ „კანონიერ ქურდობაში“ დასდო ბრალი და იგი დააკავეს.

„2013 წლიდან დღემდე მართავდა და სხვადასხვა დანაშაულის ჩადენის მიზნით ორგანიზებას უწევდა ქურდული სამყაროს წევრთა გარკვეულ ჯგუფს. მუქარით, დაშინებითა და ქურდული გარჩევების გზით, იგი აიძულებდა მოქალაქეებს, შეესრულებინათ მათთვის არასასურველი ქმედებები,“ – განაცხადა მაშინ შს სამინისტრომ. ამ ბრალდებიდან რამდენიმე თვეში მინდია გორძემ საპატიმრო დაწესებულება ისე დატოვა, რომ ბრალი არ დაუმტკიცებიათ. თუმცა, ამ საქმეზე სასამართლო გამოძიება ჯერ კიდევ გრძელდება.

ყველა ახალი ამბავი
0