მიუხედავად იმისა, რომ ნინა წკრიალაშვილი თავს საუკეთესო მომღერლად არ მიიჩნევს, მის გარშემო ჭორების გავრცელება არ წყდება. აქტიურ კარიერას რამდენიმე წელია აღარ ეწევა, მიუხედავად ამისა, ტელეეკრანებზე ხშირად ჩნდება და სასურველი სტუმრის სტატუსს არ კარგავს.
ერთ-ერთი ხმაურიანი და საიდუმლოებებით აღსავსე მომღერალი გულწრფელობით გამოირჩება. ია ფარულავას გადაცემაში „ფარული კონვერტი“ მისმა აღიარებამ მთელი საქართველო, განსაკუთრებით კი მდედრობითი სქესი მის გარშემო გააერთიანა. შეგახსენებთ, 20 წლით უფროსმა მამაკაცმა ურთიერთობის გარკვეულ ეტაპზე ნინა წკრიალაშვილს ერთ-ერთ პოპულარულ ეროტიკულ საიტზე პირადი ცხოვრების ამსახველი ვიდეოკადრები გამოუქვეყნა.
ნინა წკრიალაშვილის ცხოვრებაში შოკისმომგვრელი აღიარების შემდეგ ახალი ეტაპი მალე დადგა. წყვილის ურთიერთობის დაწყების, განვითარების და გაცნობის დეტალები ჯერ კიდევ უცნობია, მაგრამ საზოგადოებას მათი ერთად დანახვა ნამდვილად უხარია. აშკარაა, რომ ნინას და ილიასს სიყვარულისგან თვალები უბრწყინავთ.
მომღერლის, სავარაუდოდ, ახალი შეყვარებული 50 წლამდე ასაკის ილიას აზარია. იგი წარმოშობით ლიბანიდანაა და ამაჟამად საბერძნეთში ცხოვრობს. როგორც Facebook-ზე გამოქვეყნებული ფოტოებიდან ირკვევა, ნინა ისევ საბერძნეთშია, სადაც ილიასთან და მის მეგობრებთან ერთად არაჩვეულებრივ დროს ატარებს. ნინას ცხოვრების ახალმა მეგზურმა, სავარაუდოდ, შვილთან გადაღებული ფოტოც გამოაქვეყნა. ნინას და გოგონას შორის აშკარა მსგავსებაა.