მომღერალმა ლელა წურწუმიამ Instagram-ის „სთორიში“ მეუღლის – პროდიუსერ კახა მამულაშვილის და მომღერალ მაკა ზამბახიძის სახალისო ვიდეო გამოაქვეყნა.
ვიდეო აუზზეა გადაღებული და მაკა ცდილობს „მამულიჩას“ ზურგზე შეახტეს, რაზეც მეგობრები ხალისობენ.
მაკამ ფართო საზოგადოებას თავი დუეტ „ჯორჯიაში“ გამოჩენისთანავე დაამახსოვრა. რატი დურგლიშვილის და მაკა ზამბახიძის ჰარმონიული დუეტი ნამდვილად შედგა. მათი ხმები ტკბილად ერწყმოდა ერთმანეთს და ბევრს ისინი წყვილი ეგონა.
თუმცა მაკა დუეტ „ჯორჯიას“ შექმნის პერიოდში პირველ ქმარს დაშორებული იყო და ქალიშვილი ჰყავდა. ახლა მას მესამე მეუღლე, 7 წლით უმცროსი ძიუდოისტი მიხეილ ჩოხელი ჰყავს.
მიხეილი და მაკა ბევრი ქართველი ვარსკვლავის ახლო მეგობრები არიან. ამაში მიხეილის ფოტოებიც დაგარწმუნებთ. მათ ახლო მეგობრებს შორის ლელა წურწუმიას მეუღლე და პროდიუსერი, საზოგადოებისთვის ცნობილი მამულიჩა, იგივე კახა მამულაშვილიც არის.
მაკამ მაისში “ოქროს ტალღაზე” წლის საუკეთესო მომღერალი ქალის ნომინაციაში გაიმარჯვა. შემსრულებელი ახალ სიმღერებზე აქტიურად მუშაობს. წარმატებული მუსიკალური კარიერის კვალდაკვალ მაკა ზრუნავს საკუთარ იმიჯზე. ფოტოებიდანაც კარგად ჩანს, რომ მომღერალი საუკეთესო ფორმაშია.