ინტერვიუ მარია მალნიკოვას „იუთუბ“-არხზე შოუში „მაშა ჰკითხავს“ მანამდეა ჩაწერილი, სანამ მომღერალი იტალიაში წავიდოდა დასასვენებლად. რეპერ გუფთან დაშორების შესახებ ქეთამ აღნიშნა, რომ არ სურდა ამაზე კომენტარის გაკეთება.
„რატომ დავშორდით? იმიტომ, რომ სხვადასხვა ცხოვრების წესი გვაქვს. ბევრჯერ ვეცადეთ, რაღაც საერთო გაგვეკეთებინა, მაგრამ, სამწუხაროდ, არ გამოგვივიდა. თუმცა მე ის ძალიან მიყვარდა“, – ამბობს მომღერალი.
ქეთას თქმით, ყოფილ ქმარს რეპერთან ურთიერთობამდე დაშორდა, თუმცა ყველას ეგონა, რომ მიზეზი რეპერი იყო.
„ჩვენ უკვე დიდი ხანი არ ვცხოვრობდით ერთად. ცუდად არც დავშორებივარ ლევს, და ახლაც შესანიშნავი ურთიერთობები გვაქვს. ბედნიერი ვარ, რომ ჩემს შვილს ასეთი კარგი მამა ჰყავს“, – ამბობს ქეთა.
32 წლის ქეთა თოფურიას რამდენიმე დღის წინ გამოქვეყნებულ ფოტოებზე ხელზე ნიშნობის ბეჭედი უკეთია. ბაქოში მიმდინარე მუსიკალურ ფესტივალ ЖАРА 2019-ზე გამოსვლამდე მომღერალმა ფოტოკამერების წინ იპოზიორა ულამაზესი თეთრი კაბით და მარჯვენა ხელზე მასიური ბრილიანტის ბეჭდით.
A'Studio-ს სოლისტი ბეჭდის თაობაზე კომენტარებს არ აკეთებს, თუმცა ფანები მოსაზრებებს გამოთქვამენ: „ნუთუ გუფს მიჰყვება?“; „ეს უბრალოდ ბეჭედია თუ დაინიშნე?“; „გამოტყდი, რომ გუფზე აპირებ დაქორწინებას“; „ქორწილი გველის?“ – წერენ სოციალური ქსელების კომენტარებში.
თუმცა, რეპერის გარდა რუსული მედია კიდევ ერთ შესაძლო კანდიდატზე წერს. ეს მომღერალი სერგეი ლაზარევია. ბაქოში ფესტივალის დროს ქეთა და სერგეი ერთად დააფიქსირეს, მათმა ერთობლივმა ფოტომ ბევრი კითხვის ნიშანი გააჩინა.
