ტრადიციები და ექსტრიმი: ბახმაროში დოღი გაიმართება

© courtesy of Bakhmaro Municipalityდოღი ბახმაროში
დოღი ბახმაროში - Sputnik საქართველო
გამოწერა
მარულა ბახმაროში ყოველ წელს ფერისცვალების დღეს იმართება

თბილისი, 15 აგვისტო  – Sputnik. ტრადიციული დოღი „ბახმაროს თასი 2019“ ბახმაროში 19 აგვისტოს გაიმართება, ნათქვამია ღონისძიების Facebook–გვერდზე.

დოღის ტრადიცია გასული წლის 30–იან წლებში ჩამოყალიბდა. ფერისცვალების დღეს, 19 აგვისტოს ბახმაროში დაახლოებით 50 მონაწილე იკრიბება საქართველოს სხვადასხვა რეგიონიდან და ერთმანეთს ეჯიბრება დოღსა და ქართულ შეჯიბრება – მარულაში (დოღი გრძელ დისტანციაზე).

© courtesy of Bakhmaro Horse Racing Cupდოღი ბახმაროში
ტრადიციები და ექსტრიმი: ბახმაროში დოღი გაიმართება - Sputnik საქართველო
დოღი ბახმაროში

სულ ოთხი გარბენია დაგეგმილი. დოღი მთიან ადგილზე იმართება, რაც დისტანციის გავლას ართულებს. მხედრები უნაგიროდ არიან და ხშირად იღებენ სხვადასხვა სახის დაზიანებას. გაარჯვებული 15 ათასი ლარის ოდენობის პრიზს მიიღებს.

ბახმარო ზამთარში - Sputnik საქართველო
კურორტ ბახმაროს მაღალმთიანი დასახლების სტატუსი მიენიჭა

ღონისძიების ფარგლებში სტუმრები ბახმაროსთვის დამახასიათებელ კულტურულ თავისებურებებს გაეცნობიან. ორგანიზატორები მოაწყობენ ეთნოგრაფიულ სტენდებს, რომლებიც ტურისტებს გურიას გააცნობს. გარდა ამისა, სტუმრები სპორტულ–გასართობ ღონისძიებებში შეძლებენ მონაწილეობის მიღებას.

ბახმარო გურიის მხარეში, ზღვის დონიდან 2 ათასი მეტრის სიმაღლეზე, სოჭითა და ნაძვით მდიდარ ქვაბულში მდებარეობს და ცნობილია თავისი უნიკალური სამკურნალო კლიმატით.

კურორტ ბახმაროს  2019 წლის დასაწყისში დაბის სტატუსი მიენიჭა, ხოლო გაზაფხულზე – მაღალმთიანი დასახლების სტატუსი.

ყველა ახალი ამბავი
0