კესარია აბრამიძესთან ძალიან ახლო მეგობრობამ ბევრი ადამიანი გააკვირვა. ნახეთ ახლადშეძენილი მეგობრების ახალი ფოტოები. კესარია აბრამიძეს და ქართველ პოპ-დივას ლელა წურწუმიას არც ისე დიდი ხნის მეგობრობა აკავშირებთ. გლამურულ შეხვედრებსა და სხვადასხვა ღონისძიებებზე პაპარაცები მათ ერთად აფიქსირებენ, თუმცა ლელა და კესარიაც სოციალურ ქსელში ერთობლივ ფოტო-ვიდეოებს ინტენსიურად აქვეყნებენ.
გაზიარებულმა ფოტოებმა ბევრის გაკვირვება გამოიწვია. საზოგადოების უმრავლესობა მათ ერთად ვერ აღიქვამს. ხალხმა მათი ნათესაური კავშირების ძიებაც დაიწყო. კესარია და ლელა კი დაუვიწყარი დროის გატარებას არ წყვეტენ.
კესარიას მიერ გამოქვეყნებულ ვიდეოებზე კარგად ჩანს, რომ ისინი ლაღი ხასიათითა და მხიარული განწყობით კარგად შეერწყნენ ერთმანეთს. შესაბამისად, მათი მეგობრობა ნამდვილად შედგა. ცოტა ხნის წინ გამოქვეყნებულ ვიდეოზე ორი უმშვენიერესი ქალბატონი პოზირებს, ვიდეოს ბოლოს კი კესარიამ ლელას ლოყაზე აკოცა და მისი ბედნიერი ღიმილი გამოიწვია.
მანქანით ერთად ხშირად სეირნობენ და ხალხში ინტერესს იწვევენ. ბევრისთვის მათი მეგობრობა სიურპრიზი აღმოჩნდა. თაყვანისმცემლები დიდი ინტერესით კითხულობენ, ვინ არიან ერთმანეთისთვის, ან როგორ დაიწყო მათი მეგობრობა.
მოგეხსენებათ, კესარია აბრამიძე ბარსელონაში გამართულ საერთაშორისო კონკურსში „მის ტრანს ვარსკვლავი 2018” მონაწილეობდა. როგორც ფოტომოდელი აღნიშნავს, ეროვნული სამოსის ტურზე ქართული ტრადიციული კაბა უნდა წარედგინა, მაგრამ საქართველოში სხვადასხვა მოდის სახლებში მისულს, კესარიას უარი განუცხადეს და ეროვნული სამოსი „მის ტრანს ვარსკვლავის“ კონკურსზე არ გაატანეს. ლელა წურწუმიამ კესარიამ დახმარების ხელი გაუწოდა და ბევრ ადამიანს გული აუჩუყა. ქართველმა პოპ-დივამ კესარიას კეთილი ნებით ტრადიციულ სტილში შექმნილი მწვანე კაბა ათხოვა, რომელიც მისი აღმოჩნდა.
როგორც ჩანს, ლელას სიკეთემ და თანადგომამ ის კესარიასთან უფრო დააახლოვა. მიუხედავად იმისა, რომ მათი მეგობრობა არც ისე დიდი ხანია დაიწყო, გაზიარებულ ფოტოებს დადებითი კომენტარები მოჰყვება.
