პრეზიდენტი სალომე ზურაბიშვილი „ფეისბუქის“ ოფიციალურ გვერდზე გურჯაანისა და თელავის მერებთან ერთად სიღნაღში გადაღებულ ფოტოს აქვეყნებს, რომელსაც სახალისო სათაური აქვს – „გურჯაანი და თელავი შევარიგეთ!“.
ფოტოს უამრავი მოწონება და კომენტარი აქვს. „მთიულებს და მოხეევეებს როდის შეგვარიგებთ?“ – ინტერესდება სოციალური ქსელის ერთ-ერთი მომხმარებელი. „შერიგება სიყვარულის ქალაქში“, – ასე დაასათაურა მეორემ ეს ფოტო.
ალბათ ხშირად გსმენიათ, რომ თელაველები და გურჯაანელები ერთმანეთთან სიამტკბილობაში ვერ არიან, რაც ბევრი სხვადასხვა ხუმრობისა თუ ანეკდოტის წყარო გამხდარა.