დიზაინერი ანუკი არეშიძე, რომელიც თბილისის მერზე, კახა კალაძეზეა დაქორწინებული, ამბობს, რომ მეუღლეს იმდენად იშვიათად ნახულობს, რომ ჩხუბის დროც კი არ აქვთ.
წამყვანის კითხვაზე, რამდენად ხშირად კამათობენ, დიზაინერმა წაიოცნება კიდეც, რომ ჩხუბის დრო მაინც ჰქონდეთ.
ვინ იყო დაპატიჟებული ანუკი არეშიძის და კახა კალაძის ჯვრისწერაზე – ფოტოები წვეულებიდან >>>
„ნეტა ვიჩხუბო, საერთოდ ვერ ვნახულობ. ფიზიკურად აღარ გვრჩება დრო. კახაც არ არის კონფლიქტური. ბევრ რაღაცას მითმობს. ალბათ ყველაფერი ასაკის, ჰოროსკოპის, დამთხვევის ბრალია. მეც არ ვარ ისეთი ტიპი, კონფლიქტი შევქმნა ხოლმე“, - ამბობს არეშიძე.
მისი თქმით, თავისუფალი დროის შემთხვევაში, დროს ბავშვებს უთმობენ და ერთობიან, როგორც ყველა ნორმალური ოჯახი.
ანუკი არეშიძემ და კახა კალაძემ რამდენიმე დღის წინ 13-წლიანი თანაცხოვრების შემდეგ ჯვარი დაიწერა.
წყვილმა 15 ივნისს კახეთში, გრემის მონასტერში შვილები მონათლა და ჯვარიც დაიწერა.
კალაძის და არეშიძის უმცროსი შვილების ნათლია სხვებთან ერთად საქართველოს კათოლიკოს-პარტიარქი იყო. წყვილს რამდენიმე მეჯვარე ჰყავს, მათ შორის ცნობილი ფეხბურთელი ალექსანდრე იაშვილი და დიზაინერი მაკა კვიციანი.
ანუკი არეშიძეს ჯვრისწერაზე საკუთარი დიზაინით შექმნილი, თეთრი ფერის, მხრებმოშიშვლებული, მიდი-კაბა ეცვა, თავზე კი გრძელი შლეიფი ეკეთა. ქალაქის მერი კი ნაცრისფერსა და შავ ფერში იყო გამოწყობილი.
ჯვრისწერის შემდეგ წყვილმა სტუმრებს წინანდალში, სასტუმრო „რედისონში“ უმასპინძლა.
წვეულებას მუსიკალურად ქართული ესტრადის ვარსკვლავები, მათ შორის სტეფანე მღებრიშვილი აფორმებდნენ.
კახის და ანუკის ქორწილის წამყვანი ნიკა წულუკიძე იყო. სტუმრებს შორის უამრავი ცნობილი ადამიანი იმყოფებოდა, მათ შორის იყვნენ მინისტრთა კაბინეტის წევრები. ცერემონიას შინაგან საქმეთა მინისტრი მეუღლესთან და შვილთან ერთად ესწრებოდა.
წყვილმა ერთმანეთი მილანში 2008 წელს გაიცნო და მათ 2013 წელს იქორწინეს.
ოჯახში პატარა ნიკოლას გარდა, რომელიც წყვილს გასული წლის სექტემბერში შეეძინა, კიდევ სამი ბიჭი იზრდება – 11 წლის ლევანი, 6 წლის კახაბერი და 4 წლის ვაჩე.
