თბილისი, 19 ივნისი – Sputnik. ბიზნესმენმა ლევან ვასაძემ მხარდამჭერებს კომბლების ჭერში შეწყობისკენ მოუწოდა მის მიერ 18 ივნისს გავრცელებულ ვიდეომიმართვაში.
„ბოლო საჩუქარი ჩვენგან სახელმწიფოს – კომბლები სხვენში. ჩამოვიღოთ მაშინ, როცა მოვა ის მთავრობა, რომელიც კიდევ ერთხელ გაგვიბედავს პრაიდის ჩატარებას. ჩვენ იქ მოვალთ შიშველი ხელებით, ხელზე თეთრი ცხვირსახოცებით“, – აცხადებს ლევან ვასაძე.
ბიზნესმენი ხელისუფლებას აფრთხილებს – „ღმერთი არ გაუწყრეს“, რადგან ამაზე ძალიან დიდხანს იფიქრა, არ სძინებია გასულ ღამესაც და გადაწყვეტილებას სრულიად აცნობიერებს.
ვასაძის დაანონსებული კომბლების რევოლუცია და ფორმირებების შექმნა – შსს-მ გამოძიება დაიწყო >>>
19 ივნისს „თბილისი პრაიდმა“ გაავრცელა განცხადება, რომელშიც წერია, რომ „ღირსების მარშის“ გაუქმებას არ აპირებენ. ლგბტ+ აქტივისტები ხელისუფლებისგან ადამიანის უფლებების დაცვას და ქვეყნის კონსტიტუციით აღებული ვალდებულებების შესრულებას ითხოვენ.
ამ განცხადებას უპასუხეს ლევან ვასაძის მხარდამჭერებმა, რომლებმაც თქვეს, რომ პრაიდის მშვიდად ჩატარების საშუალებას არ მისცემენ.
