თბილისი, 5 ივნისი — Sputnik. საქართველო–თურქეთის საზღვრისკენ მიმავალ გზაზე არსებულ გვირაბში ტრანსპორტის მოძრაობა ორი დღით იზღუდება, ნათქვამია აჭარის პოლიციის მიერ გავრცელებულ ინფორმაციაში.
უწყების ცნობით, სენაკი-ფოთი-სარფის 92-ე კილომეტრზე ჩაქვი-მახინჯაურის გვირაბში ყველა სახის ავტოტრანსპორტის მოძრაობა დღეს 08:00 საათიდან 7 ივნისის 08:00 საათამდე აიკრძალა.
ბათუმი-ქობულეთის მიმართულებით ავტომობილების მოძრაობაზე დაწესებული შეზღუდვის გამო, ტრანსპორტის მოძრაობა ორმხრივ რეჟიმში განხორციელდება გვირაბის ქობულეთი-ბათუმის მიმართულებაზე. ადგილზე მოძრაობას საპატრულო პოლიციის ეკიპაჟები გააკონტროლებენ.
უწყების ცნობით, ორდღიანი შეზღუდვა გეგმიურ სამუშაოებს უკავშირდება.