თბილისი, 17 იანვარი — Sputnik. ინტენსიური თოვის, ლიპყინულისა და ზვავსაშიშროების გამო ზოგიერთ რეგიონში საავტომობილო გზებზე გარკვეული შეზღუდვები დაწესდა, იუწყება შინაგან საქმეთა სამინისტრო.
საპატრულო პოლიციის დეპარტამენტის ცნობით, თბილისი-სენაკი-ლესელიძის გზის 45-65-ე კილომეტრამდე მონაკვეთი (სოფ. იგოეთთან) ამინდის გაუარესების გამო მოყინულია და ავტომანქანების გადაადგილებას საპატრულო პოლიციის ეკიპაჟები არეგულირებენ.
„შესაბამისი სამსახურების მიერ ინტენსიურად მიმდინარეობს გზის საფარზე ტექნიკური მარილის დაყრა და გაწმენდითი სამუშაოები. საპატრულო პოლიციის თანამშრომლები მძღოლებს ადგილზე საგზაო მოძრაობის არსებული მდგომარეობის შესახებ აწვდიან ინფორმაციას“, - აღნიშნულია სამინისტროს ვებგვერდზე.
საპატრულო პოლიციის რეკომენდაციით, ამ მონაკვეთებზე გადაადგილება რეკომენდებულია ზამთრის საბურავებით და დაბალი სიჩქარით.
ყველა სახის ავტოტრანსპორტის მოძრაობა აკრძალულია გუდაური (ფოსტა) - კობის მონაკვეთზე და ვაზიანი-გომბორი-თელავის საავტომობილო გზაზე, 0
უწყება მოქალაქეებს მოუწოდებს, დაემორჩილონ საპატრულო პოლიციის თანამშრომლების მითითებებს და მაქსიმალურად დაიცვან საგზაო მოძრაობის წესები.
