თბილისი, 20 დეკემბერი — Sputnik. ავიაკომპანია Turkish Airlines 2019 წლის იანვრიდან თბილისიდან ანკარის მიმართულებით პირდაპირ რეისებს განახორციელებს, ნათქვამია კომპანია TAV Georgia-ს განცხადებაში.
18 იანვრიდან საქართველოსა და თურქეთის დედაქალაქებს შორის რეგულარული ფრენები კვირაში ორჯერ – ორშაბათს და პარასკევს განხორციელდება. ქალაქებს ერთმანეთთან Boeing 737–800 მარკის თვითმფრინავები დააკავშირებს.
დღეისთვის ავიაკომპანია Turkish Airlines თბილისის შოთა რუსთაველის სახელობის საერთაშორისო აეროპორტიდან სტამბულის ათათურქისა და საჰიბა გიოქჩენის აეროპორტებში ყოველდღიურ ფრენებს ახორციელებს.
