05:15 21 სექტემბერი 2018
პირდაპირი ეთერი
  • EUR3.0693
  • 100 RUB3.9538
  • USD2.6193
პირველი ქართული ვისკი JIMSHER

ქართული ვისკი „ჯიმშერი" უკრაინაში გაიყიდება

© FB / Jimsher
საზოგადოება
მოკლე ბმულის მიღება
თბილისი დღეს (757)
70 0 0

ქართულ ვისკს ლონდონის მსოფლიო ვისკის კონკურსში ერთი ოქროს და ხუთი ვერცხლის მედალი აქვს აღებული

თბილისი, 14 სექტემბერი — Sputnik. ქართული ვისკი „ჯიმშერი" (JIMSHER) სამ კვირაში უკრაინის ბაზარზე გამოჩნდება, იუწყება ტელეკომპანია Imedi.

„ჯიმშერი" ქართული დასახელების პირველი ვისკია, რომელმაც მსოფლიოს ცნობილ ბრენდებს გაუწია კონკურენცია. იგი ოთხწლიანი დაძველებით პირველად გასულ წელს ჩამოასხეს. ვისკი „ასკანელი ძმების" ერთ-ერთი დამფუძნებლის ჯიმშერ ჩხაიძის საავტორო ტექნოლოგიით მზადდება. ვისკის შეფუთვის ქართული ხასიათის შენარჩუნებაზე კი ზვიად ციკოლიამ იზრუნა.

სამომავლოდ ვისკის გატანა აშშ-ის ბაზარზეც იგეგმება. გარდა ამისა, ბრენდი ისრაელისა და ინდოეთის ბაზრის ათვისებასაც გეგმავს.

რაც შეეხება სხვა სახის სიახლეებს, ვისკი „ჯიმშერი" ქართულ ბაზარზე ერთ ლიტრიან ბოთლებში ხუთ თვეში გამოჩნდება.

ტრადიციული ვისკის ტექნოლოგიით და ქართული მარცვლეულისგან დამზადებული პირველი ქართული ვისკი JIMSHER-ი ანალოგიურ უცხოურ პროდუქციაზე 5%-ით იაფია. ამ ეტაპზე მისი შეძენა და დაგემოვნება თბილისის მასშტაბით 100-მდე სუპერმარკეტშია შესაძლებელი. ვისკი 0,7 და 0, 5 ლიტრიან ბოთლებშია ჩამოსხმული.

ამჟამად ვისკის სამი სახეობა მზადდება - ტრადიციული საფერავი ნამყოფი კასრში, ქართული ბრენდი კასრში და წინანდლის კასრში დავარგებული ნახადი. ვისკი ექსპორტზე ამჟამად ჩინეთში, ყაზახეთში და პოლონეთში გადის

ქართულ ვისკს ლონდონის მსოფლიო ვისკის კონკურსში ერთი ოქროს და ხუთი ვერცხლის მედალი აქვს აღებული.

 

თემები:
თბილისი დღეს (757)

მთავარი თემები