06:55 21 ოქტომბერი 2018
პირდაპირი ეთერი
  • EUR3.0921
  • 100 RUB4.1098
  • USD2.6972
დიდგორობის აღნიშვნა

საქართველოში დიდგორობა აღნიშნეს

© FB / Mamuka Bakhtadze
საზოგადოება
მოკლე ბმულის მიღება
საქართველოს თავდაცვა (127)
44 0 0

მთავრობის მეთაურმა „დიდგორის ჯვრით“ ქართველი სამხედრო მოსამსახურეები დააჯილდოვა

თბილისი, 12 აგვისტო — Sputnik. პრემიერ-მინისტრი მამუკა ბახტაძე დიდგორის ველზე საზეიმო ღონისძიებებს დაესწრო.

ყოველ წელს 12 აგვისტოს საქართველოში დიდგორობა აღინიშნება. ამ დღეს 1121 წელს დავით აღმაშენებელმა დიდგორის ველზე თურქ-სელჩუკთა მრავალრიცხოვანი არმია დაამარცხა.

„დავით აღმაშენებელმა ქართველ ერს ისეთი გამარჯვება მოუტანა, რომლითაც ნებისმიერი ერი იამაყებდა. დავით აღმაშენებელმა ჩვენ გვაჩვენა, რომ როდესაც შენს მხარეს არის სიმართლე და ჭეშმარიტება, არ არსებობს ძალა, რომელმაც შეიძლება დაგვამარცხოს. ეს არის ის დიდი ემოცია, რომელიც ქართველ ერს დღემდე მოგვყვება, რომელმაც შეგვინარჩუნა ჩვენი იდენტობა და სახელმწიფოებრიობა“, — განაცხადა ბახტაძემ.

მთავრობის მეთაურმა „დიდგორის ჯვრით“ უფროსი ლეიტენანტი ჩიქოვანი და კაპრალი კობაია დააჯილდოვა და აღნიშნა, რომ განსაკუთრებით საამაყოა, როდესაც ხარ გამორჩეული სამხედრო და ამ ჯილდოს დიდგორის ველზე იღებ.

საქართველოში "დიდგორის" მემორიალს რესტავრაციას ჩაუტარებენ >>

2014 წელს დაწესდა სახელმწიფო ჯილდო —„დიდგორის ჯვრის ორდენი", რომელიც ყოველი წლის 12 აგვისტოს გადაეცემათ გამორჩეულ სამხედრო მოსამსახურეებს.


თემები:
საქართველოს თავდაცვა (127)

მთავარი თემები