ვაშლიჯვარში ორდონიანი სატრანსპორტო კვანძის მშენებლობა იწყება

© FB / Tbilisi City Hallქალაქის მთავრობის სხდომა
ქალაქის მთავრობის სხდომა - Sputnik საქართველო
გამოწერა
თბილისის მერის განცხადებით, პროექტი ვაშლიჯვრის დასახლებაში მოძრაობის განტვირთვას უზრუნველყოფს

თბილისი, 8 აგვისტო — Sputnik. თბილისში, მარშალ გელოვანის გამზირისა და სარაჯიშვილის ქუჩის გადაკვეთაზე ორდონიანი კვანძის სამშენებლო სამუშაოები იწყება, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე.

ტაქსი - Sputnik საქართველო
პირველი აგვისტოდან თბილისში ტაქსების რეგისტრაცია იწყება

როგორც კახა კალაძემ განაცხადა, პროექტი, რომელსაც თბილისის მერიის ინფრასტრუქტურის განვითარების საქალაქო სამსახური ახორციელებს, ვაშლიჯვრის დასახლებაში მოძრაობის განტვირთვას უზრუნველყოფს, ხოლო საბურთალოსა და დიღომს შორის ტრანსპორტის ნაკადის გამტარობას გაზრდის.

პროექტის მიხედვით, მოძრაობა ასევე განიტვირთება ნუცუბიძის პლატოდან ვაშლიჯვრის გავლით, დიღმის მიმართულებით და პირიქით მოძრავი ავტოსატრანსპორტო საშუალებებისთვის.

 „ვიცით, რომ აქ საცობების სერიოზული პრობლემაა. ვინც ამ გზაზე მოხვედრილა, დამეთანხმებით, რომ რამდენიმე წუთი, საათი გიწევს ამ მონაკვეთზე დგომა. პროექტის განხორციელების შედეგად, აღნიშნული მონაკვეთის განტვირთვას შევძლებთ",- განაცხადა კალაძემ.

პროექტის განხორციელებისთვის დედაქალაქის ბიუჯეტიდან 4 მლნ ლარზე მეტი დაიხარჯება. სამუშაოები კი 24 საათის განმავლობაში გაგრძელდება.

თბილისის მერია შესაძლო დისკომფორტისთვის მოსახლეობას ბოდიშს უხდის.

ყველა ახალი ამბავი
0