თბილისი, 12 ივნისი — Sputnik. ბორჯომი სამუზეუმო ქალაქად გადაიქცევა, ნათქვამია საქართველოს კულტურისა და სპორტის სამინისტროს Facebook-გვერდზე გავრცელებულ განცხადებაში.
საქართველოს კულტურული მემკვიდრეობის დაცვის ეროვნული სააგენტოს პროექტი „ბორჯომი — სამუზეუმო ქალაქი" ითვალისწინებს XIX-XX საუკუნეების მიჯნაზე აშენებული ხუთი უნიკალური ისტორიული შენობის რესტავრაციას.
ახალი კავალერიის კორპუსში გაიხსნება გამოყენებითი ხელოვნების მუზეუმი, რომანოვების ყოფილ კანცელარიაში – ბორჯომის მხარის ისტორიის მუზეუმი, მოლდენჰაუერის ჰიდროელექტროსადგურის შენობაში – ინდუსტრიული მემკვიდრეობის მუზეუმი, ბორჯომის მინერალური წყლის ქარხანაში – მინერალური წყალი „ბორჯომის" ისტორიის მუზეუმი, ლიკანის სასახლეში – სასახლე-მუზეუმი და მრავალფუნქციური კომპლექსი.