თბილისი, 22 მაისი — Sputnik. საქართველოს იუსტიციის სამინისტროს სახელმწიფო სერვისების განვითარების სააგენტომ მოსახლეობას წმინდა ნიკოლოზ სასწაულმოქმედის ხსენების დღე მიულოცა და გამოაქვეყნა ბოლო მონაცემები იმის შესახებ, თუ რამდენი ნიკოლოზი ცხოვრობს ქვეყანაში.
სამშაბათს საქართველოში ნიკოლოზობას აღნიშნავენ.
დღესდღეობით საქართველოში 52,7 ათასი ნიკოლოზია დარეგისტრირებული. ნიკოლოზი ერთ-ერთი ყველაზე პოპულარული სახელია ისევე, როგორც გიორგი, ანდრია, დავითი და ალექსანდრე.
ეს გასაკვირი არაა. საქართველოში წმინდა ნიკოლოზი ერთ-ერთი ყველაზე სათაყვანებელი წმინდანია. დღეს საზეიმო წირვა ქვეყნის ყველა მოქმედ ტაძარში აღევლინა.
ნიკოლოზობა საქართველოში წელიწადში ორჯერ — 19 დეკემბერსა და 22 მაისს აღინიშნება.