2018 წლის პირველ კვარტალში გარემოსთვის მიყენებულმა ზარალმა 1 მლნ ლარს გადააჭარბა

© FB / Giorgi Kvirikashviliმეხანძრე ბორჯომ-ხარაგაულის ტყეში აქრობს ხანძარს
მეხანძრე ბორჯომ-ხარაგაულის ტყეში აქრობს ხანძარს - Sputnik საქართველო
გამოწერა
2018 წლის პირველ კვარტალში გასული წლის იმავე პერიოდთან შედარებით 1 075-ით მეტი გარემოსდაცვითი კანონმდებლობის დარღვევის ფაქტი დაფიქსირდა

თბილისი, 24 აპრილი — Sputnik. 2018 წლის პირველ  კვარტალში გარემოსდაცვითი კანონმდებლობის დარღვევის 2 609 ფაქტი დაფიქსირდა, ნათქვამია საქართველოს გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის მიერ გავრცელებულ განცხადებაში

უწყების ცნობით, კანონმდებლობის დარღვევის 2 609 ფაქტიდან ადმინისტრაციული სამართალდარღვევის 2 532 ფაქტია და სისხლის სამართლის 77 ფაქტი, რომელთა მასალებიც სამართალდამცავ ორგანოებში გადაიგზავნა.

ხერხი - Sputnik საქართველო
იანვარში ხე-ტყის უკანონო მოპოვების 420 ფაქტი გამოვლინდა

დეპარტამენტის მიერ გავრცელებული ინფორმაციით,  2018 წლის 1 იანვრიდან 31 მარტის ჩათვლით, გარემოსთვის მიყენებული ზიანის თანხამ 1 261 919 ლარი შეადგინა. სასამართლოს გადაწყვეტილებით, სამართალდამრღვევებს ჯარიმის სახით, ჯამში 923 910 ლარი დაეკისრათ.

გარემოსდაცვითი დანაშაულებიდან ტყის კანონმდებლობის, ხე-ტყის ტრანსპორტირების წესების და სახერხის ტექნიკური რეგლამენტის დარღვევის 1000-ზე მეტი ფაქტი გამოვლინდა, რაც გარემოსდაცვითი კანონმდებლობის დარღვევების 46%-ს შეადგენს.

საერთო სტატისტიკის 18%-ს (484 ფაქტი) შეადგენს წიაღის კანონმდებლობის დარღვევის შემთხვევები და 14%-ს (355 ფაქტი) ატმოსფერული ჰაერის კანონმდებლობის დარღვევის შემთხვევები. 

არჩვი - Sputnik საქართველო
საქართველოში წითელ წიგნში შეტანილი ცხოველი მოკლეს

2018 წლის პირველ კვარტალში  გამოვლენილია ნარჩენების მართვის კოდექსის,  თევზჭერის/ნადირობის წესების, წყლის კანონმდებლობის, მიწის კანონმდებლობის,  ნებართვის პირობების დარღვევის 508 ფაქტი (19%).  სხვა დარღვევებმა კი საერთო სტატისტიკის 3% (55 ფაქტი) შეადგინა.

გარემოსდაცვითი ზედამხედველობის დეპარტამენტის ინფორმაციით,  2017 წლის ანალოგიურ პერიოდში (იანვარი, თებერვალი, მარტი) გარემოსდაცვითი კანონმდებლობის დარღვევის 1534 ფაქტი იყო დაფიქსირებული.


ყველა ახალი ამბავი
0