თსუ-ს 100 წლის იუბილე იუნესკოს 2018 წლის ღონისძიებათა სიაში შევიდა

© Sputnik / Alexander Imedashviliთსუ-ს პირველი კორპუსის შენობა
თსუ-ს პირველი კორპუსის შენობა - Sputnik საქართველო
გამოწერა
უნივერსიტეტის იუბილე საერთაშორისო მნიშვნელობის იქნება და გაერთიანების ეგიდით, მთელი წლის განმავლობაში აღინიშნება.

თბილისი, 4 ნოემბერი — Sputnik. ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილე 2018 წელს იუნესკოს (UNESCO) ეგიდით გაიმართება, ნათქვამია თბილისის სახელმწიფო უნივერსიტეტის მიერ გავრცელებულ განცხადებაში.

აღნიშნული გადაწყვეტილება გაერთიანებული ერების განათლების, მეცნიერებისა და კულტურის ორგანიზაციამ პარიზში გენერალური კონფერენციის 39-ე სესიაზე მეგობარი ქვეყნების მხარდაჭერით მიიღო.

იუნესკო- სგენერალურ კონფერენციაზე სხვადასხვა ქვეყნებიდან წარდგენილ ნომინაციებთან ერთად განიხილებოდა საქართველოს მიერ წარდგენილი ნომინაცია "თბილისის სახელმწიფო უნივერსიტეტის 100 წლისთავი".

თსუ - Sputnik საქართველო
თსუ ევროპის საუკეთესო უნივერსიტეტების სიაში მოხვდა

გადაწყვეტილების მიხედვით, 2018 წელს უნივერსიტეტის იუბილე საერთაშორისო მნიშვნელობის იქნება და გაერთიანების ეგიდით, მთელი წლის განმავლობაში აღინიშნება. 

"1956 წლიდან იუნესკო აქტიურად მონაწილეობს ორგანიზაციის წევრ ქვეყნებში ისტორიული მოვლენების აღნიშვნაში, რაც თავის მხრივ ამ მოვლენებს მსოფლიო მნიშვნელობას ანიჭებს. ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესადმი მიძღვნილი ღონისძიებების მთელი ქვეყნის მასშტაბით გაიმართება", — ნათქვამია განცხადებაში.

თბილისის სახელმწიფო უნივერსიტეტის პირველი კორპუსი - Sputnik საქართველო
თსუ-ის 100 წლისთავთან დაკავშირებით საქართველოში საკოლექციო მონეტებს გამოუშვებენ

იუბილეს დაგეგმვისა და ორგანიზებისთვის სპეციალური სამთავრობო კომისია შეიქმნა, რომლის თავმჯდომარე საქართველოს პრემიერ-მინისტრი გიორგი კვირიკაშვილია. კომისიის შემადგენლობაში ასევე შედიან მინისტრთა კაბინეტის, პარლამენტის, საქართველოს სამოციქულო ავტოკეფალური მართლმადიდებელი ეკლესიისა და მეცნიერებათა ეროვნული აკადემიის წევრები.

თბილისის სახელმწიფო უნივერსიტეტის იუბილესადმი მიძღვნილი ღონისძიებები 2017 წლის დეკემბერში (1917 წლის დეკემბერში დამტკიცდა თსუ-ის წესდება) დაიწყება და მთელი მომდევნო წლის განმავლობაში გაგრძელდება.

ყველა ახალი ამბავი
0