04:18 20 ნოემბერი 2017
პირდაპირი ეთერი
ალექსანდრე ჯეჯელავა

მინისტრი: საქართველოში პირველკლასელების რიცხვი იზრდება

© FB / Aleksandre Jejelava
საზოგადოება
მოკლე ბმულის მიღება
20 0 0

საქართველოს განათლებისა და მეცნიერების მინისტრმა ალექსანდრე ჯეჯელავამ მოსწავლეებს ახალი სასწავლო წლის დაწყება მიულოცა.

თბილისი, 15 სექტემბერი — Sputnik. საქართველოს განათლებისა და მეცნიერების მინისტრმა ალექსანდრე ჯეჯელავამ №143 (გლდანი-ნაძალადევის რაიონი) სკოლაში სტუმრობისას ქვეყანაში პირველკლასელთა რაოდენობის გაზრდაზე გაამახვილა ყურადღება.

მინისტრმა სკოლაში ყოფნისას მოსწავლეებს ახალი სასწავლო წლის დაწყება მიულოცა.

„პირველ რიგში მინდა ყველას მივულოცო, განსაკუთრებით პირველკლასელებს. ძალზე სასიხარულოა, რომ, გასულ წელთან შედარებით, წელს ამ სკოლაში და, ზოგადად, მთელ საქართველოში მეტი პირველკლასელია. პირველად, დიდი დროის შემდეგ, პირველკლასელების რიცხვი ქვეყანაში გაიზარდა", — განაცხადა ჯეჯელავამ ჟურნალისტებთან საუბრისას.

როგორც მან აღნიშნა, საქართველო ახალ სასწავლო წელს ბევრი სიახლით ხვდება. კერძოდ, სკოლებში კვლავ დაწესდება დიდი შესვენება. გარდა ამისა, ოქტომბრიდან კვლავ აღდგება შრომის გაკვეთილები, რომელიც 2014 წელს გაუქმდა.

საქართველოს სკოლებში ახალ სასწავლო წელს ვირტუალური ლაბორატორიები, სამაგიდო თამაშები გაჩნდება, რომლებიც ბავშვებს დაეხმარება მათემატიკის, ქიმიის, ისტორიისა და ლიტერატურის უკეთ შესწავლაში და ასევე გაჩნდება ახალი საგანი "მე და საზოგადოება".

მთავარი თემები