შშმ ბავშვები საქართველოდან სპეციალური ზამთრის ოლიმპიადის პრიზიორები გახდნენ

© Министерство образования и науки Грузииშშმ ბავშვები საქართველოდან სპეციალური ზამთრის ოლიმპიადის პრიზიორები გახდნენ
შშმ ბავშვები საქართველოდან სპეციალური ზამთრის ოლიმპიადის პრიზიორები გახდნენ - Sputnik საქართველო
გამოწერა
საქართველოს მონაწილეები სხვადასხვა სპეციალიზებული სკოლების წარმომადგენლები იყვნენ, თავი გამოიჩინეს მოციგურავეებმა ანი ნოდიამ და მარიამ ოქროპირიძემ.

თბილისი, 28 მარტი — Sputnik. შეზღუდული შესაძლებლობის მქონე მოზარდებმა ავსტრიაში მსოფლიო სპეციალური ზამთრის ოლიმპიადაში მიიღეს მონაწილეობა და სხვადასხვა საპრიზო ადგილი დაიკავეს, ნათქვამია განათლებისა და მეცნიერების სამინისტროს Facebook-გვერდზე.

კერძოდ, თბილისის მე-200 სპეცსკოლის მოსწავლე ანა ნოდიამ, ციგურებით სრიალში მეექვსე ადგილი დაიკავა, ხოლო იმავე სკოლის წარმომადგენელმა მარიამ ოქროპირიძემ ბრინჯაოს მედალი მოიპოვა. ისინი ციგურებზე პირველად შარშან დადგნენ და სპეციალისტებთან ერთად ინტენსიური მომზადებით პირველ წარმატებას მიაღწიეს.

2017 წლის მსოფლიო სპეციალური ზამთრის ოლიმპიადა ავსტრიაში 14-24 მარტს გაიმართა. შეჯიბრები ტარდებოდა ქალაქებში შლადმინგი, რამზაუ-ამ-დახშტაინი და გრაცში. სპეციალურ ოლიმპიადაში მონაწილეობას ინტელექტუალური განვითარების დარღვევების მქონე ადამიანები იღებენ.

შეჯიბრები სპორტის რვა სახეობაში გაიმართა: ფლორბოლი, იატაკის ჰოკეი, ციგურებით სრიალი, შორტ-ტრეკი, მთის თხილამურები, სნოუბორდი, თოვლზე სიარული და სათხილამურო რბოლა. მასში მონაწილეობას იღებდა 105 ქვეყნიდან 2600 ათლეტი, 1100 მწვრთნელი. სპორტსმენებს მხარს უჭერდა 200 ვოლონტიორი, თამაშებს აშუქებდა 800 ჟურნალისტი და ესწრებოდა 1000 საპატიო სტუმარი.

ყველა ახალი ამბავი
0