თბილისი, 27 მარტი — Sputnik. „Sputnik საქართველოს" მკითხველთა უმრავლესობას სილამაზის კონკურსებში ბავშვების მონაწილეობა არ მოსწონს, ასეთია ახალი ამბების სააგენტოს ვებ-გვერდზე ჩატარებული გამოკითხვის შედეგები.
კითხვაზე „როგორ უყურებთ სილამაზის კონკურსებში ბავშვების მონაწილეობას" გამოკითხულთა 76,9%-მა უპასუხა, რომ კატეგორიულად წინააღმდეგია, ხოლო 7% კი თანახმაა.
წინააღმდეგი არ არის, მაგრამ საკუთარ შვილს კონკურსზე არ გაუშვებს მკითხველთა 15,4%.
გასულ კვირაში ექვსი წლის მარიამ ბერძენიშვილმა საქართველოდან სილამაზის საერთაშორისო კონკურსზე Little Miss & Mister Galaxy ბულგარეთში გაიმარჯვა. კონკურსი მეცხრედ ჩატარდა და მასში 50 ქვეყნის წარმომადგენელი მონაწილეობდა.
საერთაშორისო კონკურსი Little Miss&Mister Galaxy მეათედ გაიმართა, მასში 50 ქვეყნის წარმომადგენელი მონაწილეობდა. საქართველომ ამ კონკურსში მეხუთედ მიიღო მონაწილეობა. წელს კონკურსი 13 მარტს დაიწყო.
