თბილისი, 26 დეკემბერი — Sputnik. თუ ვინ წარადგენს „ევროვიზია 2017“-ის კონკურსზე საქართველოს, ცნობილი გახდება 2017 წლის იანვარში.
საქართველოს საზოგადოებრივი მაუწყებლის პროდიუსერთა გუნდის გადაწყვეტილებით, შესარჩევ ტურში 25 კონკურსანტი მიიღებს მონაწილეობას.
„ევროვიზია 2017“-ის კონკურსში მონაწილეობაზე განაცხადების მიღება 7 ნოემბერს დაიწყო და 7 დეკემბრამდე გაგრძელდა. კასტინგში მონაწილეობა მომღერლებმა და მუსიკალურმა ჯგუფებმა მიიღეს, რომლებმაც სპეციალურად კონკურსისთვის დაწერილი სიმღერები წარმოადგინეს.
თავიდან სულ 28 განაცხადი იყო, თუმცა მოგვიანებით, კონკურსს სამი მონაწილე გამოეთიშა — ნათია ბიძინაშვილი, ანი ვეკუა და ანჩო დოლიძე.
საბოლოო ჯამში ფინალურ შესარჩევ კონცერტში შემდეგი შემსრულებლები იღებენ მონაწილეობას:
1. ნანუკა გიორგობიანი, სიმღერით Let The Sunshine In (კომპოზიტორი — ედიშერ ლომაძე)
2. გიორგი ჩიქოვანი, სიმღერით Make it Right (კომპოზიტორი — გიორგი ჩიქოვანი)
3. დავით შანიძე, სიმღერით — "მტვრის კაცი" (კომპოზიტორი — დავით შანიძე)
4. ტრიო "მანდილი", სიმღერით "მე და შენ" (კომპოზიტორი — ვადიმ ესტერმანი, როსტისლავ მასლოვიჩი)
5. ელენე მიქიაშვილი, სიმღერით Fighter (კომპოზიტორები — Ylva and Linda Persson)
6. ანდრია გველესიანი, სიმღერით Revolutionise (კომპოზიტორი — გიორგი ლაღიძე)
7. ჯგუფი The Mins, სიმღერით Crime (კომპოზიტორი — ზვიად მღებრიშვილი)
8. ალისა დანელია, სიმღერით We Are Eternity (კომპოზიტორი — ალისა დანელია)
9. რატი დურგლიშვილი, სიმღერით Why (კომპოზიტორი — რატი დურგლიშვილი)
10. ბრენდონ სტოუნი და ეთერი ბერიაშვილი, სიმღერით Heyo Song (კომპოზიტორი — ბრენდონ სტოუნი)
11. თორნიკე ყიფიანი და გიორგი ბოლოთაშვილი, სიმღერით You Are My Sunshine (კომპოზიტორი — თორნიკე ყიფიანი)
12. ჯგუფი EOS, სიმღერით Urban Signs (ავტორები — გიორგი ქოჩორაძე, გედევან ლევლიშვილი)
13. დიმა კობეშავიძე, სიმღერით Scream (კომპოზიტორი — დიმა კობეშავიძე)
14. მალიბუ, სიმღერით We Live Once (ავტორი — მალიბუ)
15. ჯგუფი Asea Sool, სიმღერით Nature (კომპოზიტორი — Asea Sool)
16. MISHO, სიმღერით Magic (კომპოზიტორი — MISHO)
17. თაკო გაჩეჩილაძე, სიმღერით Keep the Faith (ავტორი — თაკო გაჩეჩილაძე)
18. ოთო ნემსაძე და ჯგუფი Limbo, სიმღერით Dear God (კომპოზიტორი — ბესო ნემსაძე)
19. მარიამ ჩაჩხიანი, სიმღერით Fly (კომპოზიტორი — ჯონი თითირაშვილი)
20. ნუცა ბუზალაძე, სიმღერით White Horses Run (კომპოზიტორები — Andy Vitolo and John King)
21. ჯგუფი Sparkle, სიმღერით On The Top (კომპოზიტორი — ალეკო ბერძენიშვილი)
22. ნინო ბაშარული, სიმღერით "ლილეო" (Lileo) (კომპოზიტორი — ნინო ბაშარული)
23. თემო საჯაია, სიმღერით All The Same (კომპოზიტორი — თემო საჯაია)
24. მარიკო ლეჟავა, სიმღერით Light it Up (კომპოზიტორი — "ბით ჰარდი", ბორიკო შხიანი და ალეკო ბერძენიშვილი)
25. საბინა ჭანტურია, სიმღერით Stranger (მუსიკა და ტექსტი — საბინა ჭანტურია)
ფინალური კონცერტი თბილისის საკონცერტო დარბაზის (ფილარმონია) სცენაზე გაიმართება.
გამარჯვებულს გამოავლენს საერთაშორისო ჟიური და sms-შეტყობინებების მეშვეობით მაყურებელთა კენჭისყრა. კენჭისყრის შედეგები დაითვლება პრინციპით — ჟიურის ხმების 60% და მაყურებელთა ხმების 40%.
გასულ წელს „ევროვიზიაზე“ საქართველოს წარმოადგენდა ნიკა კოჩაროვი & Young Georgian Lolitaz, რომელმაც მეოცე ადგილი დაიკავა. კონკურსზე გაიმარჯვა უკრაინელმა შემსრულებელმა ჯამალამ სიმღერით "1944". კონკურსის საორგანიზაციო კომიტეტმა „ევროვიზიის“ ჩატარება კიევში გადაწყვიტა. კონკურსის ფინალი 13 მაისს, ხოლო ნახევარფინალები 9 და 11 მაისს გაიმართება.
