თბილისი, 2 ნოემბერი — Sputnik. ხულოს რაიონში მეორე დღეა თოვს, რის შედეგადაც 25 სოფელი ელექტროენერგიის გარეშე დარჩა, იუწყება ტელეკომპანია „იმედი“.
დაბა ხულოში თოვლის საფარის სიმაღლე 15 სმ-ს მიაღწია, ხოლო მაღლობში კი 30სმ-ს. გოდერძის უღელტეხილზე თოვლის საფარი 50 სმ-ზე მეტია. ელექტროენერგიის გადამცემი ხაზების დაზიანების გამო, აჭარის რამდენიმე სოფელში ბავშვთა ბაღებმა მუშაობა შეწყვიტა. დიდთოვლობის გამო გოდერძის უღელტეხილი დაკეტილია.
კომპანია Energo-Pro Georgia-ს წარმომადგენლები უკვე მუშაობენ პრობლემის აღმოსაფხვრელად, რათა ეტაპობრივად მოხდეს მოსახლეობისთვის ელექტროენერგიის მიწოდების აღდგენა.
ამ დროისათვის გაწმენდითი სამუშოები მიმდინარეობს.
