თბილისში პუშკინის ქუჩაზე მოძრაობა კვლავ ორმხრივი გახდა

© FB/мэрия Тбилисиპუშკინის ქუჩა
პუშკინის ქუჩა - Sputnik საქართველო
გამოწერა
ახალი ესტაკადის წყალობით ნანგრევების შენარჩუნებაც მოხერხდა და ქალაქის ამ ნაწილის განტვირთვაც.

თბილისი, 15 აგვისტო — Sputnik. პუშკინის ქუჩაზე აღდგენილია ორმხრივი მოძრაობა. ახალ გზაზე პირველმა თბილისის მერმა დავით ნარმანიამ გაიარა.

პუშკინის ქუჩაზე ცალმხრივი საავტომობილო მოძრაობა 2012 წელს დაწესდა, როდესაც მიწის ქვეშ დედაქალაქის ძველი გალავნის ნანგრევები (XII–XIII სს) აღმოაჩინეს. ამან მძღოლებს პრობლემები შეუქმნა.

"შესრულდა ჩვენი მორიგი წინასაარჩევნო დაპირება, რომელიც გულისხმობდა ქალაქის ამ ისტორიული ნაწილის „საცობებისგან“ განტვირთვას. განვახორციელეთ პუშკინის ქუჩაზე ორმხრივი მოძრაობის პროექტი“, – განაცხადა ნარმანიამ.

მერმა აღნიშნა, რომ ამ პროექტით, ერთი მხრივ, 15-ზე მეტი ქუჩა განიტვირთება და „საცობები“ აღარ იქნება, ხოლო მეორე მხრივ, შენარჩუნდა ის მდიდარი კულტურული მემკვიდრეობის ნაწილი, რომელიც საინტერესო და მიმზიდველია ტურისტებისთვის.

© FB/თბილისის მერიადავით ნარმანია
დავით ნარმანია - Sputnik საქართველო
დავით ნარმანია

ნარმანია დარწმუნებულია, რომ ახალი ესტაკადის წყალობით „საცობებისგან“ განიტვირთება თავისუფლების მოედანი, ასევე მაჩაბლის, კოტე აფხაზის, ჭანტურიას, ფურცელაძის, თაბუკაშვილის, ლაღიძის, ლეონიძის, ბესიკის, ათონელის, ვირსალაძის, ვაჩნაძის, ლესია-უკრაინკას, პუშკინის, ასევე ახლომდებარე სხვა ქუჩები.

ახალი ესტაკადა ძველი ქალაქის სტილს მიესადაგება, ასევე შენარჩუნდა ნანგრევები ესტაკადის ქვეშ.

„რაც ყველაზე მთავარია, ქალაქის ეკოლოგიურ გარემოზე ეს პოზიტიურად აისახება. ეს პროექტი ერთ-ერთია იმ 10 პროექტიდან, რომელსაც ჩვენ ვახორციელებთ ქალაქში მოძრაობის „საცობებისგან“ განტვირთვის მიმართულებით”, — აღნიშნა ნარმანიამ.

© FB/თბილისის მერიაესტაკადა პუშკინის ქუჩაზე
ესტაკადა პუშკინის ქუჩაზე - Sputnik საქართველო
ესტაკადა პუშკინის ქუჩაზე

ესტაკადის გარდა ქუჩაზე მოეწყო ქვეითად მავალთა ბილიკი, რაც ტერიტორიას კიდევ უფრო მოსახერხებელსა და მიმზიდველს გახდის.

პუშკინის ქუჩაზე სამშენებლო სამუშაოებისთვის თბილისის მერიამ 4,4 მლნ ლარი გამოყო.

ყველა ახალი ამბავი
0