თბილისი, 16 თებერვალი — Sputnik. თბილისში უჩვეულოდ თბილი ამინდების დადგომისთანავე წმინდა სამების საკათედრო ტაძრის ტერიტორიაზე არსებული ბაღის როზარიუმში ვარდების გასხვლის პროცესი დაიწყო. ეს პროცესი მნიშვნელოვანია იმით, რომ კათოლიკოს-პატრიარქის კურთხევით, ყველა მსურველს საშუალება აქვს სამების ტაძრის ეზოდან წაიღოს ვარდების კალმები და თავისთან გაახაროს.
„სამების ვარდების ძირითად გასხვალას წელიწადში ორჯერ ვაკეთებთ და სპეციალურად კლამების წაღების მსურველთათვის აქვე ბაღში ორი დღის მანძილზე ვტოვებთ მათ ვარდის ბუჩქებთან“, — გვითხრა სამების დეკორატიული მებაღეობისა და ბაღის დიზაინის სასწავლებლის პრაქტიკული მებაღეობის პრდაგოგმა ირინა კორიფაძემ. მისი თქმით, მსურველებს მებაღეები იქვე დაკალმებასაც ასწავლიან და კონსულტაციებს უტარებენ როგორ გაახარონ ვარდები.