კირილ დმიტრიევი: EMA-ს „სპუტნიკ V“-ს მიმართ კრიტიკული შენიშვნები არ აქვს

© photo: Sputnik / Vladislav Vodnev / გადასვლა მედიაბანკშიSputnik V
Sputnik V - Sputnik საქართველო, 1920, 04.06.2021
გამოწერა
რუსული კოვიდ-ვაქცინა „სპუტნიკ V“ ამ დროისათვის ეტაპობრივი ექსპერტიზის პროცედურას გადის ევროპის წამლის სააგენტოში.

თბილისი, 4 ივნისი — Sputnik. ევროპის წამლის სააგენტოს (ЕМА) რუსული კოვიდ-ვაქცინა „სპუტნიკ V“-ს კვლევისას არ გამოუვლენია კრიტიკული შენიშვნები არც წარმოებისა და არც კლინიკურ ნაწილებში, განაცხადა რუსეთის პირდაპირი ინვესტიციების ფონდის ხელმძღვანელმა კირილ დმიტრიევმა ბრიფინგზე. აღნიშნულის თაობაზე წერს საინფორმაციო სააგენტო РИА Новости.

რუსული პრეპარატი „სპუტნიკV - Sputnik საქართველო, 1920, 18.05.2021
აზერბაიჯანში რუსული პრეპარატ „სპუტნიკV"-თი ვაქცინაცია დაიწყო

დმიტრიევმა განსაკუთრებით აღნიშნა ორგანიზაციის ტექნიკური სპეციალისტების პროფესიონალიზმი მუშაობის პროცესში.

„ცალკე აღნიშვნას იმსახურებს EMA-ს ტექნიკური ნაწილის მუშაობა, რომელსაც ჯერ არ გამოუვლენია არსებითი კრიტიკული შენიშვნები, და ასევე მთელი რიგი პოლიტიკური გამონათქვამები, რომლებსაც სპუტნიკ V“-ს საწინააღმდეგო სადეზინფორმაციო კამპანიის ფარგლებში ვხედავთ“, — განაცხადა ფონდის ხელმძღვანელმა.

მისი თქმით, რუსული პრეპარატის რეგისტრაციის ვადა სააგენტოზეა დამოკიდებული.

დმიტრიევს იმედი აქვს, რომ სამუშაო პროცესი პოლიტიზებული არ იქნება.

რუსეთის ჯანდაცვის სამინისტრომ გასული წლის აგვისტოში დაარეგისტრირა პრეპარატი „სპუტნიკ V“ — მსოფლიოში პირველი ვაქცინა COVID-19-ის წინააღმდეგ. ვაქცინა გამალეის ეპიდემიოლოგიისა და მიკრობიოლოგიის სამეცნიერო ცენტრში შეიქმნა. ამ დროისათვის მისი გამოყენება ნებადართულია მსოფლიოს 66 ქვეყანაში.

მალდივები - Sputnik საქართველო, 1920, 14.05.2021
ვაქცინა „სპუტნიკ V" 65-ე ქვეყანამ დაარეგისტრირა

„სპუტნიკ V“ ადამიანის ადენოვირუსულ ვექტორებზეა შემუშავებული, რომლებიც კარგადაა შესწავლილი და შემოწმებული. გამალეის ცენტრის ინფორმაციით, 3,8 მილიონი ვაქცინირებულის მონაცემების ანალიზის თანახმად, პრეპარატის ეფექტურობამ 97,6% შეადგინა. ეს იმაზე მეტია, ვიდრე სამედიცინო ჟურნალ The Lancet-ში მანამდე გამოქვეყნებული მონაცემები (91,6%).

რუსული ვაქცინა 4 მარტიდან გადის ეტაპობრივი ექსპერტიზის პროცედურას ЕМА-ში, რომელმაც ევროპის ბაზარზე ვაქცინების გამოყენების ნებართვა უნდა გასცეს. მანამდე ორგანიზაციაში განაცხადეს, რომ „სპუტნიკ V“-ს შემოწმების გრაფიკს რუსეთში საინსპექციო შემოწმებების შემდეგ გამოაქვეყნებდნენ.

ყველა ახალი ამბავი
0