07:15 13 ივნისი 2021
პირდაპირი ეთერი
  • EUR3.8523
  • 100 RUB4.4253
  • USD3.1701
რუსეთი
მოკლე ბმულის მიღება
100 0 0

სახელმწიფო რეგულატორების მხრიდან მოწონების მხრივ კორონავირუსის საწინააღმდეგო რუსულ ვაქცინას „სპუტნიკ V“ მსოფლიოში მეორე ადგილი უკავია.

თბილისი, 13 მაისი – Sputnik. მალდივის რესპუბლიკის რეგულატორმა მოიწონა კორონავირუსის საწინააღმდეგო რუსული ვაქცინა „სპუტნიკ V", განაცხადა რუსეთის პირდაპირი ინვესტიციების ფონდმა (RDIF).

COVID-19-ის საწინააღმდეგო რუსული ვაქცინის რეგისტრაცია დაამტკიცა მალდივის რესპუბლიკის კვების პროდუქტებისა და მედიკამენტების სამმართველომ (FDA). პროცედურა დაჩქარებული წესით ჩატარდა, აღნიშნეს RDIF-ში.

„ამგვარად, „სპუტნიკ V" რეგისტრირებულია 65 ქვეყანაში, რომელთა მცხოვრებთა საერთო რაოდენობა 3,2 მილიარდ ადამიანს აღემატება“, - ნათქვამია ფონდის განცხადებაში.

ფონდის გენერალურმა დირექტორმა კირილ დმიტრიევმა ვაქცინა დაახასიათა როგორც ერთ-ერთი „აღიარებული გლობალური ინსტრუმენტი“ კორონავირუსულ ინფექციასთან საბრძოლველად. მალდივები - პოპულარული ტურისტული მიმართულებაა, ხოლო „სპუტნიკ V"-ს გამოყენება ქვეყანას პანდემიის პერიოდში ეკონომიკური აქტივობის შენარჩუნებაში დაეხმარება, ხოლო „შემდგომში სერიოზულ კოვიდ-შეზღუდვებს ააცილებს“, განაცხადა დმიტრიევმა.

ჯონს ჰოპკინსის უნივერსიტეტის მონაცემებით, მალდივებზე პანდემიის დაწყებიდან კორონავირუსი 40 ათას ადამიანს დაუდასტურდა. გარდაიცვალა 87 პაციენტი. ქვეყანაში 530 ათასზე მეტი ადამიანი ცხოვრობს.

კოორნავირუსის საწინააღმდეგო პირველი ვაქცინა „სპუტნიკ V“ რუსეთში 2020 წლის 11 აგვისტოს დაარეგისტრირეს. ვაქცინის ეფექტურობა, სამედიცინო ჟურნალ The Lancet-ის მიერ გამოქვეყნებული მონაცემის მიხედვით, 91,6%-ს შეადგენს. ეს დღეისათვის ერთ-ერთი ყველაზე მაღალი მაჩვენებელია.

ფონდის მონაცემებით, სახელმწიფო რეგულატორების მხრიდან მოწონების მხრივ „სპუტნიკ V“-ს მსოფლიოში მეორე ადგილი უკავია.

მთავარი თემები