Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

„იმედი აღარაა“ - რუსული ტურისტული ფირმები ივლისის საგზურებს აუქმებენ

© photo: Sputnik / Kirill Kallinikov / გადასვლა მედიაბანკშისიტუაცია რუსეთში კორონავირუსის გამო
სიტუაცია რუსეთში კორონავირუსის გამო - Sputnik საქართველო
გამოწერა
კორონავირუსის პანდემიის გამო რუსეთის ფედერაციის ხელისუფლებამ საერთაშორისო სამგზავრო ავიამიმოსვლა დახურა

თბილისი, 28 ივნისი — Sputnik. რუსულმა ტუროპერატორებმა უცხოური საგზურების გაუქმება დაიწყეს გაურკვევლობის გამო, რომელიც საერთაშორისო მიმოსვლის აღდგენასთან დაკავშირებით შეიქმნა, იუწყება რადიო Sputnik Вестник АТОР-ზე დაყრდნობით.

საქართველო ცას 1 ივლისიდან გახსნის, მაგრამ არა ყველასთვის: პრემიერის განცხადება >>

ტურების გაუქმების შესახებ უკვე განაცხადეს ისეთმა მსხვილმა ტურისტულმა ფირმებმა, როგორებიცაა ANEX Tour, PEGAS Touristik, TEZ Tour, Coral Travel და Интурист. უკანასკნელმა 16 ივლისამდე ყველა საგზური გააუქმა, დანარჩენებმა - ივლისის ყველა ტური.

„ტუროპერატორებს დიდი იმედი არ აქვთ, რომ უახლოეს თვეში საერთაშორისო ტურიზმი აღდგება“, - ნათქვამია განცხადებაში.
ნათია თურნავა - Sputnik საქართველო
„ამისთვის მზად არ ვართ“ - ნათია თურნავამ განმარტა, რატომ არ გაიხსნა საქართველოს ცა

COVID-19 პანდემიის გამო რუსეთის ხელისუფლებამ საერთაშორისო სამგზავრო ავიამიმოსვლა დახურა. გადამზიდავებს მხოლოდ თანამემამულეთა სამშობლოში ჩამოყვანა შეუძლიათ, ასევე სრულდება სატვირთო, საფოსტო, სანიტარული და ჰუმანიტარული რეისები, ტრანზიტული ფრენები ქვეყნის ტერიტორიაზე და რეისები, რომლებიც რუსეთის მთავრობის ცალკეული გადაწყვეტილებით ხორციელდება.

ტრანსპორტის მინისტრმა ევგენი დიტრიხმა ადრე განაცხადა, რომ რუსეთი საერთაშორისო ფრენების აღდგენას ივლისში იმ შემთხვევაში შეძლებს, რაც ხელისუფლება ქვეყნის შიგნით გადაზიდვების უსაფრთხოებაში დარწმუნდება.

კორონავირუსის პანდემიამ პრაქტიკულად მთელი მსოფლიო მოიცვა. ჯანმო-ს მონაცემებით, ინფექცია დაახლოებით 9,65 მილიონ ადამიანს დაუდასტურდა, აქედან 491 ათასზე მეტი დაიღუპა.

რუსეთში კორონავირუსის 627 ათასი შემთხვევა დადასტურდა. 393 ათასი ადამიანი გამოჯანმრთელდა და თითქმის 9000 - გარდაიცვალა.

ყველა ახალი ამბავი
0