თბილისი, 16 მარტი — Sputnik. ბურიატელმა შამანებმა საყოველთაო კეთილდღეობისადმი მიძღვნილი რიტუალი ჩაატარეს და ზენაარ ძალებს კორონავირუსის შეჩერება შესთხოვეს, იუწყება РИА Новости შამანური ორგანიზაცია „ტენგერის“ წარმომადგენელზე დაყრდნობით.
„ეს ერთ-ერთი იყო თხოვნებიდან. რიტუალი ზოგადად ადამიანების კეთილდღებისკენ იყო მიმართული“, — განაცხადეს „ტენგერიში“.ორგანიზაციის განმარტებით, მსგავს რიტუალებს შამანები რეგულარულად ატარებენ.
მანამდე რესპუბლიკის ხელმძღვანელობამ განაცხადა, რომ ბურიატიაში COVID-19-ის შემთხვევა არ დაფიქსირებულა, ხოლო ქსელში ამის თაობაზე გავრცელებული ინფორმაცია – ფეიკია.
ჯონ ჰოპკინსის უნივერსიტეტის სპეციალური პროექტის ინფორმაციით, დღეისათვის მსოფლიოს 148 ქვეყანაში COVID-19-ით ინფიცირებულია 169 387 ადამიანი. აქედან გარდაცვლილია 6 513 და განკურნებულია 77 257 პაციენტი.
