თბილისი, 11 დეკემბერი — Sputnik. აშშ-ის პრეზიდენტ დონალდ ტრამპისა და რუსეთის საგარეო საქმეთა მინისტრის სერგეი ლავროვის შეხვედრა მნიშვნელოვანი ფაქტია, განაცხადა რუსეთის პრეზიდენტის პრეს-მდივანმა დმიტრი პესკოვმა.
აღნიშნული შეხვედრა გუშინ, 10 დეკემბერს გაიმართა ვაშინგტონში და ის 45 წუთის განმავლობაში გაგრძელდა.
„თავად ის ფაქტი, რომ აშშ-ის პრეზიდენტმა რუსეთის მინისტრი მიიღო, მნიშვნელოვანი მომენტია. სხვა საქმეა, რომ ჯერჯერობით არ გვიწევს რაიმე პოზიტიურ ძვრებზე საუბარი ორმხრივ ურთიერთობებში. თუმცა ამგვარი კონტაქტები უმნიშვნელოვანესია“, — განაცხადა კრემლის წარმომადგენელმა.
სერგეი ლავროვი ვაშინგტონში, პრეზიდენტის გარდა, ასევე შეხვდა სახელმწიფო მდივან მაიკ პომპეოს.
რუსი მინისტრის თქმით, ამერიკის პრეზიდენტი აცნობიერებს რუსეთთან კეთილმეზობლობის სარგებელს. თუმცა, როგორც ლავროვმა შენიშნა, აშშ-ში ყველა არ იზიარებს ასეთ პოზიციას და ცდილობს სანქციების დაწესებით „ყველანაირად დაამუხრუჭოს“ ურთიერთობების ნორმალიზაცია.
აღსანიშნავია, რომ თავად აშშ-ის პრეზიდენტმა სერგეი ლავროვთან შეხვედრა დადებითად შეაფასა, რის შესახებაც საკუთარ Twitter-ზე დაწერა.
