თბილისი, 6 ივნისი — Sputnik. ანდრეი სტენინის სახელობის ფოტოჟურნალისტიკის საერთაშორისო კონკურსი, რომელიც საინფორმაციო სააგენტო „როსია სეგოდნიას" ორგანიზებით იუნესკოს საკითხებში რუსეთის კომიტეტის ეგიდით ტარდება, ინტერნეტ-მომხმარებლებს საკუთარი არჩევანის გაკეთებას სთავაზობს — 2018 წლის შორტ-ლისტიდან საუკეთესო ნამუშევრის განსაზღვრა.
ონლაინ–ხმის მიცემამ სტარტი აიღო კონკურსის ვებ-გვერდზე stenincontest.ru. არჩევანის გაკეთება 18 ივლისის 23:59 საათამდე შეუძლია ნებისმიერ მომხმარებელს ერთ-ერთი სოციალური ქსელით: ВКонтакте, Facebook, Twitter ან ჩინურ სერვისზე Weibo. გამარჯვებულებს 19 ივლისს დაასახელებენ, ინტერნეტში ყველაზე პოპულარული ფოტოს ავტორს კი კონკურსის დიპლომით დააჯილდოებენ. ჟიურის ხელმძღვანელი, რომლის შემადგენლობაშიც მსოფლიოში წამყვანი საერთაშორისო სააგენტოების AFP (საფრანგეთი), Anadolu Ajansi (თურქეთი), Notimex (მექსიკა) წარმომადგენლები, ასევე ადგილობრივი ფოტოგრაფები და ფოტორედაქტორები არიან შესული, აჰმეტ სელი გახდა, რომელიც თურქეთში უძველესი და უდიდესი სააგენტო „ანადოლუს" ფოტო- და ვიდეოსიახლეების განყოფილების ხელმძღვანელია.
სტენინის სახელობის კონკურსის ფარგლებში ონლაინ-ხმის მიცემა მესამედ ტარდება. ინტერნეტ-აუდიტორიის 2016 და 2017 წლების არჩევანმა დაადასტურა კონკურსის ნამუშევრებისადმი ინტერესი. ინტერნეტ-მომხმარებელმა 2016 წელს ხმა მისცა ეგვიპტელი ფოტოჟურნალისტის გეჰად ჰამდის (Gehad Hamdy) ნამუშევარს „რაინდები", ხოლო 2017 წელს გამარჯვებული ყირგიზი ფოტოგრაფის ნამუშევარი გახდა.
ანდრეი სტენინის სახელობის კონკურსის კურატორი, საერთაშორისო საინფორმაციო სააგენტო „როსია სეგოდნიას" ვიზუალური პროექტების სამსახურის ხელმძღვანელი ოქსანა ილეინიკი: „ინტერნეტ-მომხმარებლის არჩევანში იკვეთება ის, თუ რა აღელვებს უბრალო მაყურებელს თანამედროვე ფოტოგრაფიაში. მათი აზრი შეიძლება დაემთხვეს ან პირიქით პროფესიონალური ჟიურის აზრს, მაგრამ ინტრიგაც ხომ ამაშია — რომელ ნამუშევრებს აირჩევენ ისინი, ვისთვისაც სინამდვილეში იღებენ ფოტოებს".
ფინალისტების საპრიზო ადგილები 6 აგვისტოს გამოცხადდება კონკურსის ვებ-გვერდზე stenincontest.ru. გამარჯვებულებს ჯილდოებს 2018 წლის შემოდგომაზე გადასცემენ, როდესაც მოსკოვში მათი ნამუშევრების გამოფენა გაიმართება.
კონკურსის შესახებ:
ანდრეი სტენინის სახელობის ფოტოჟურნალისტიკის საერთაშორისო კონკურსი, რომელიც საინფორმაციო სააგენტო „როსია სეგოდნიას" ორგანიზებით იუნესკოს საკითხებში რუსეთის კომიტეტის ეგიდით ტარდება, მიზნად ისახავს ახალგაზრდა ფოტორეპორტიორების მხარდაჭერას და თანამედროვე ფოტოჟურნალისტიკისადმი საზოგადოების ყურადღების მიპყრობას. ეს არის ადგილი ახალგაზრდა ნიჭიერი ფოტოგრაფებისთვის, რომლებიც გახსნილი არიან ყველაფერი ახლისთვის, სადაც ისინი ჩვენ ყურადღებას იქცევენ ადამიანებსა და მათ გვერდით მიმდინარე მოვლენებზე.
საინფორმაციო სააგენტო და რადიო Sputnik-ი კონკურსის საერთაშორისო პარტნიორია.
