თბილისი, 16 თებერვალი — Sputnik. ცნობილი მოქანდაკე და მხატვარი ზურაბ წერეთელი რუსეთის სამხატვრო აკადემიის პრეზიდენტად მესამედ აირჩიეს, განაცხადეს თანამედროვე ხელოვნების თბილისის მუზეუმში.
„რუსეთის სამხატვრო აკადემიის პრეზიდიუმზე ზურაბ წერეთელი 5 წლით ერთხმად აირჩიეს აკადემიის პრეზიდენტად. ვულოცავთ!!! ვუსურვებთ ბატონ ზურაბს კიდევ მრავალ წარმატებას!!!“ — ნათქვამია მუზეუმის განცხადებაში.
კენჭისყრა ოთხშაბათს 15 თებერვალს აკადემიის 581-ე კრებაზე ჩატარდა. წერეთლის არჩევის გადაწყვეტილება ხმათა უმრავლესობით მიიღეს, წინააღმდეგი მხოლოდ ორი ადამიანი იყო.
წერეთელი რუსეთის სამხატვრო აკადემიას 1997 წლიდან ხელმძღვანელობს. აკადემიის პრეზიდენტის თანამდებობას მხატვარი თანამედროვე ხელოვნების მოსკოვის მუზეუმის ხელმძღვანელობასა და შემოქმედებით საქმიანობას უთავსებს.
