თეთრმა სახლმა ტრამპისა და პუტინის სატელეფონო საუბარს „მნიშვნელოვანი ნაბიჯი“ უწოდა

© photo: Sputnik / Dmitry Astakhov / გადასვლა მედიაბანკშივლადიმირ პუტინი
ვლადიმირ პუტინი - Sputnik საქართველო
გამოწერა
ორი ლიდერის საუბარი დაახლოებით ერთ საათს გაგრძელდა. სახელმწიფოს მეთაურებმა განიხილეს თანამშრომლობა „ისალმურ სახელმწიფოსთან“ ბრძოლაში და ერთობლივი მუშაობა მსოფლიოში მშვიდობის მისაღწევად.

თბილისი, 29 იანვარი — Sputnik. აშშ–ისა და რუსეთის პრეზიდენტების, დონალდ ტრამპისა და ვლადიმირ პუტინის სატელეფონო საუბარს თეთრ სახლში პოზიტიური უწოდეს, იუწყება საინფორმაციო სააგენტო РИА Новости თეთრი სახლის პრეს–სამსახურის განცხადებაზე დაყრდნობით.

„ეს დადებითი ზარი მნიშვნელოვანი ნაბიჯი გახდა შეერთებულ შტატებსა და რუსეთს შორის ურთიერთობების გაუმჯობესებაში, რომელსაც აღდგენა ესაჭიროება“, – აღნიშნულია განცხადებაში.

საუბარი დაახლოებით ერთ საათს გაგრძელდა და შეეხო „ისლამურ სახელმწიფოსთან“ (ტერორისტული ორგანიზაცია) ბრძოლაში ურთიერთთანამშრომლობასა და მსოფლიოში მშვიდობის მისაღწევად ერთობლივი მუშაობისკენ მიმართული ძალისხმევის საკითხებს.

„პრეზიდენტი ტრამპიცა და პრეზიდენტი პუტინიც იმედოვნებენ, რომ დღევანდელი ზარის შემდეგ ორივე მხარე შეძლებს სწრაფად შეუდგეს ტერორიზმთან ბრძოლასა და სხვა მნიშვნელოვან საკითხებს, რომლებიც ორივე მხარის ინტერესებს წარმოადგენს“, – აღნიშნულია დოკუმენტში.

კრემლის ინფორმაციით, საუბრის მნიშვნელოანი ნაწილი სირიაში არსებულ ვითარებასა და ტერორიზმთან ბრძოლის საკითხებს მიეძღვნა.

„გამოიკვეთა მთავარ საფრთხესთან – საერთაშორისო ტერორიზმთან ბრძოლაში ძალების გაერთიანების პრიორიტეტულობა. პრეზიდენტები ემხრობიან რუსული და ამერიკული ქმედებების რეალური კოორდინაციის მოგვარებას „ისლამური სახელმწიფოსა“ და სირიაში სხვა ტერორისტული დაჯგუფებების განადგურების მიზნით“,  – აღნიშნულია განცხადებაში.

გარდა ამისა, პრეზიდენტებმა იმსჯელეს საქმის ვითარებაზე ახლო აღმოსავლეთში, არაბულ–ისრაელურ კონფლიქტზე, უკრაინის კრიზისის ძირითად ასპექტებზე, სტრატეგიული სტაბილურობის სფეროზე და გაუვრცელებლობაზე, ვითარებაზე ირანის ბირთვული პროგრამისა და კორეის ნახევარკუნძულის გარშემო.

ყველა ახალი ამბავი
0