თბილისი, 2 ივნისი — Sputnik. რუსეთი და აშშ უკრაინასთან დაკავშირებულ საკითხებზე დიალოგისთვის ორმხრივი საკონტაქტო არხის შენარჩუნების თაობაზე შეთანხმდნენ. ამის შესახებ სამშაბათს რუსეთის ფედერაციის საგარეო საქმეთა მინისტრმა სერგეი ლავროვმა განაცხადა, იუწყება რუსული საინფორმაციო სააგენტო ”რია ნოვოსტი”.
”ჩვენ (კერისთან) შევთანხმდით, მოსკოვსა და ვაშინგტონს შორის შევინარჩუნოთ რეგულარული კონტაქტები, რომ გავცვალოთ ჩვენი შეფასებები, დავინახოთ, როგორ შეგვიძლია (ორივე მხრიდან) მხარეებზე (კონფლიქტის) ზეგავლენის მოხდენა, რათა ხელი შევუწყოთ მინსკის შეთანხმებების ყოვლისმომცველ იმპლემენტაციას”, — განაცხადა ლავროვმა Bloomberg-ისთვის მიცემულ ტელე–ინტერვიუში.
