დღეს მუსიკის ჯადოქრის, ქართული მუსიკალური კულტურის თვალსაჩინო წარმომადგენლის, დირიჟორ ჯანსუღ კახიძის დაბადების დღეა.
თუმცა ის მხოლოდ დირიჟორი არ იყო. იგი ამავდროულად კომპოზიტორი და ქართული ხალხური სიმღერების უბადლო შემსრულებელიც გახლდათ. მას ჰქონდა საოცრად მომხიბვლელი, ფართო დიაპაზონის ხმა და იმპროვიზების საინტერესო, თავისებური მანერა.
მუსიკოსის იუბილეს აღსანიშნავად „Sputnik-საქართველო“ გთავაზობთ ჯანსუღ კახიძის სიმღერების მცირე ვიდეონაკრებს.
