თბილისი, 2 მაისი — Sputnik. ქართველმა მსჯავრდებულებმა თურქეთის ციხეებში მყოფი საქართველოს მოქალაქეებისათვის სააღდგომო პასკები გამოაცხვეს. გარდა პასკებისა, პატიმრები ასევე მიიღებენ სააღდგომო კვერცხებს, რომლებიც თბილისის ფერიცვალების ტაძრის ქალტა მონასტერში მათთვის დაამზადეს.
გადაწყვეტილება თანამემამულეთათვის სააღდგომო საჩუქრების გაგზავნის შესახებ, სასჯელაღსრულებისა და პრობაციის მინისტრმა კახა კახიშვილმა მიიღო. შეთანხმება იმის თაობაზე, რომ ქართველო პატიმრები დღესასწაულებზე ამანათებს მიიღებდნენ, გასული წლის დეკემბერში, მინისტრის თურქეთში ვიზიტის დროს იქნა მიღწეული.
შეთანხმების ფარგლებში, ახალი წლის დღესასწაულებზე, ქართველი პატიმრები მიიღებენ წიგნებს ქართულ ენაზე და რელიგიურ ლიტერატურას. რელიგიური ნივთები და ლიტერატურა საქართველოს საპატრიარქომ გამოყო.