კალაძე: მეტროსადგურის რეკონსტრუქციის ფარგლებში დამონტაჟდება ორი ლიფტი, ტაქტილური ბილიკები
„მეტროს სადგურ „გოცირიძის“ რეაბილიტაციაზე გამოცხადებული გვქონდა ტენდერი. გვყავს გამარჯვებული კომპანია. ხელშეკრულება გაფორმებულია და მომდევნო დღეების განმავლობაში სამუშაოები დაიწყება. მეტროს სადგურის სრული რეაბილიტაცია–რეკონსტრუქციის ფარგლებში სრულად გადაიხურება სადგურის ბაქანი, მოხდება სადგურის ადაპტაცია შშმ პირთათვის. დამონტაჟდება ორი ლიფტი და მოეწყობა სპეციალური ტაქტილური ბილიკები“, – განაცხადა კახა კალაძემ.
კალაძის განცხადებით, რეაბილიტაცია ჩაუტარდება როგორც სადგურის ვესტიბიულს, ასევე ბაქანს.