ნათელაშვილი: სასამართლოზე მოვითხოვთ მცხეთის მერის და საკრებულოს თავმჯდომარის გამოცხადებას
„თურმე ვყვიროდით, ვიგინებოდით იქ მყოფი საზოგადოების მიმართ და ყველას გვაქვს ერთი და იგივე ოქმი. იმის გარდა, რომ ქვეყანაში ასეთი უსამართლობაა, ფანტაზიის უნარიც არ აქვთ ამ ადამიანებს, შაბლონური ოქმები შეადგინეს ოთხივეზე, თითქოს იქ ჩვენი ბრალით მოხდა რამე. დაველოდოთ, სასამართლო ცოტა ხანში დაინიშნება“, – ამბობს ბექა ნათელაშვილი.
„გაბედეს“ აქტივისტის თქმით, ერთ-ერთ შუამდგომლობად დააყენებენ იმას, რომ მოითხოვენ მცხეთის მერის გიორგი კაპანაძის და საკრებულოს თავმჯდომარის გელა ბაქრაძის სასამართლოში გამოცხადებას.
