გაბუნია: გაციება ნიშნავს, რომ პაციენტმა თავს არ მოუარა, გრიპი კი არის ინფექციური დაავადება
„გრიპი – ეს გახლავთ მწვავე დაავადება, რომელიც იწყება მოწმენდილ ცაზე – დილით გავიღვიძე, ვარ ჯანმრთელად, დავბრუნდი სახლში და დამეწყო ძლიერი შემცივნება, სახსრებში მტვრევა. რადიკალური სიმპტომი გახლავთ 38.5 გრადუსზე მაღალი სიცხე. გაციება ადამიანების მიერ აღქმული გადაციებაა. მაგალითად, წვიმაში მოვხვდი – შემცივდა, ორპირ ქარში დამეძინა – შემცივდა. გაციება არის მოვლენა, რომელიც ნიშნავს, რომ პაციენტმა თავს არ მოუარა, გრიპი კი არის ინფექციური დაავადება“, – აღნიშნა ფატი გაბუნიამ.
ინფექციონისტის განმარტებით, ყელის ტკივილი შესაძლოა იყოს ბაქტერიების პრობლემა და არა ვირუსული ინფექცია.