17:22 22 თებერვალი 2019
პირდაპირი ეთერი
  • EUR3.0128
  • 100 RUB4.0560
  • USD2.6570
მიკროფონი
© Sputnik / Alexander Imedashvili

სურგულაძე: სად და როგორ ნახავთ, რამდენია დარიცხული თქვენს საპენსიო ანგარიშზე

რადიო
მოკლე ბმულის მიღება
172 0 0

საპენსიო სააგენტოს დირექტორი ლევან სურგულაძე საუბრობს იმის შესახებ, რომ საპენსიო სააგენტოს საიტზე პირადი ანგარიშის შესახებ ინფორმაციის ნახვა ყველა დასაქმებულს შეუძლია.

 

„შებრძანდით საპენსიო სააგენტოს ოფიციალურ ვებ-გვერდზე (www.pensions.ge), იქ არის ღილაკი „საპენსიო სააგენტოს სისტემაში გადასვლა“, გადადიხართ სისტემაში, თქვენმა ბუღალტერმა უნდა მოგცეთ დროებითი პაროლი, თქვენი ლოგინ-სახელი (log in) კი არის თქვენი პირადი ნომერი. შეიყვანთ ამ მონაცემებს და სისტემა მოგთხოვთ შეცვალოთ პაროლი და თქვენი დააყენოთ. ამის შემდეგ თქვენ ყველა ინფორმაცია გამოგიჩნდებათ, მათ შორის, თქვენი დამსაქმებლების სიაც“, – ამბობს ლევან სურგულაძე.

საქართველოში 2019 წლის 1 იანვრიდან 40 წლამდე ასაკის თითოეული დასაქმებული მოქალაქე ვალდებულია სიბერისთვის თანხის დაგროვება დაიწყოს – ქვეყანაში დაგროვებითი საპენსიო სისტემა ამოქმედდა. ახალი სქემის თანახმად, საქართველოს თითოეულ დასაქმებულ მოქალაქეს ან საქართველოში მუდმივად მცხოვრებ უცხოელს ექნება საკუთარი საპენსიო ანგარიში, რომელზეც ის ყოველთვიურად ხელფასის 2%-ს გადარიცხავს, იმავე რაოდენობის თანხას გადაურიცხავს დამსაქმებელი და ასევე სახელმწიფო.

მთავარი თემები