კალაძე: საზოგადოებასთან საუბარი არ მეშლება, არც ზრდილობა მაკლია
„მე საზოგადოებასთან და ადამიანებთან არც ურთიერთობა მეშლება და არც საუბარი, არც ზრდილობა მაკლია. თუმცა, რომ გითხრათ, ვამაყობ-მეთქი ამ განცხადებით, ნამდვილად არ არის ასე. ეს არის ადამიანების დაჯგუფება, რომელიც ძირითადად დაკავებულია სიცრუით. მე ცენზი არ დამირღვევია, ეს ვთქვი ისეთი სიტყვებით, რომელიც ყველასთვის გასაგებია“, - ამბობს კახა კალაძე.
18 იანვარს კახა კალაძემ „ნაციონალური მოძრაობის“ ბრალდებებთან დაკავშირებით დასმულ კითხვაზე ჟურნალისტებთან კომენტარი გააკეთა. მან ოპოზიციის წევრებს მოუწოდა, სატელევიზიო ანძასთან ადგილის გაფართოებით ისარგებლონ.