რამ განაპირობა პირდაპირი უცხოური ინვესტიციების რეკორდული ზრდა
„2017 წლის მაჩვენებელში რეინვესტირების ოდენობამ 38.2% შეადგინა, რაც 2013, 2014, 2015, 2016 წლების მაჩვენებლებზე დაახლოებით 2-2.5-ჯერ მეტია. ზრდა გამოწვეულია 2017 წლის 1 იანვრიდან "ესტონური მოდელის" შემოღებით, რომელიც მეწარმეს რეინვესტირების შემთხვევაში მოგების გადასახადისგან ათავისუფლებს", – აღნიშნა ვეფხია გიორგაძემ.
სტატისტიკის ეროვნული სამსახურის „საქსტატის“ წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2017 წელს 1861.9 მლნ აშშ დოლარი შეადგინა, რაც 16.2 პროცენტით აღემატება 2016 წლის შესაბამის მაჩვენებელს.