„ჩვენ არ ვიცით რა ხდება ბლუმბერგის სავაჭრო სიტემაში და არც საქართველოს ეროვნული ბანკის მიერ გამოქვეყნებული ვალუტის შეძენის წლიური მონაცემები იძლევა რამეს, რადგან ერთი წლის სტატისტიკის ჭრილში ძნელია დაინახო სპეკულაციის ნიშნები“ — აღნიშნა ანდრია გვიდიანმა ტელეკომპანია „პირველის“ ეთერში
საქართველოს ეროვნულმა ბანკმა ბლუმბერგის სავაჭრო სისტემასთან დაკავშირებით, ბოლო დროს გავრცელებულ მოსაზრებებზე განმარტება გააკეთა და საზოგადოებას ვალუტის ყიდვა-გაყიდვის ბრუნვის მონაცემები გააცნო.
სებ-ის განცხადებით, ბლუმბერგის სავაჭრო სისტემა ფინანსური ინსტიტუტების ძირითადი სავაჭრო პლატფორმაა, რომლითაც ხორციელდება ფინანასური ინსტრუმენტების ყიდვა-გაყიდვა როგორც შიდა, ასევე საერთაშორისო ბაზრებზე. ბლუმბერგის სისტემას საქართველოში 24 ორგანიზაცია იყენებს, რომელთაგან უცხოური ვალუტით აქტიურად ვაჭრობს 16 კომერციული ბანკი და 4 მიკროსაფინანსო ორგანიზაცია. ბლუმბერგის სავაჭრო სისტემაში ამ ფინანსური ინსტიტუტების ვაჭრობის აქტიურობას მათი კლიენტების მიერ გაცემული ყიდვა-გაყიდვის დავალებები განაპირობებს.