რა უნდა იქონიონ თან გადამფრენ ფრინველებზე ნადირობის მსურველებმა?
„გადამფრენ ფრინველებზე ნადირობის მსურველებმა ნადირობისას თან უნდა იქონიონ გარემოდან გადამფრენი ფრინველების ამოღებაზე დაწესებული მოსაკრებლის — 10 ლარის გადახდის დამადასტურებელი ქვითარი და საქართველოს შინაგან საქმეთა სამინისტროს მიერ გაცემული სანადირო თოფის შენახვისა და ტარების უფლების დამადასტურებელი დოკუმენტი“, — აღნიშნა სოლომონ პავლიაშვილმა.
ნადირობისთვის დაშვებულ გადამფრენ ფრინველთა სახეობების ჩამონათვალი, ვადები და დღიური ლიმიტის შესახებ ინფორმაცია განთავსებულია გარემოსა და ბუნებრივი რესურსების დაცვის სამინისტროს ვებ-გვერდზე.
