მარიამ პერტია: ქართული ბაზარი ჯერ ბოლომდე ათვისებული არ გვაქვს
„დიდი ხანია მინდოდა ქალის თეთრეულის ხაზი შემექმნა, თუმცა, როგორც ყოველთვის, ამისთვის დრო არ მყოფნიდა. აღმოჩნდა ისე, რომ დედა დროებით უმუშევარი დარჩა და გადავწყვიტეთ ერთობლივი ძალებით ჩემი იდეა განგვეხორციელებინა. ქართული ბაზარი ჯერ ბოლომდე ათვისებული არ არის. ასათვისებელი ჯერ კიდევ ბევრი გვაქვს“, — ამბობს მარიამ პერტია.
დიზაინერი აცხადებს, რომ „სფუმატომ“ ქართველ კაცებს ასწავლა ატლასისა და აბრეშუმის გარჩევა. ხალათი უნდათ „იმ რაღაცით“, ის „რაღაც“ კი მაქმანია. მომხმარებლებს შორის არიან ის მამაკაცებიც, რომლებიც სიახლეებს აქტიურად ადევნებენ თვალს და მეუღლეები თავიდან ბოლომდე „სფუმატოთი“ ჰყავთ შემოსილი.
