კონსტიტუციაში შესატან ცვლილებებზე უკვე პარლამენტი მსჯელობს
„კანონპროექტის საყოველთაო-სახალხო განხილვა უკვე დასრულდა, რომელიც, კონსტიტუციისა და რეგლამენტის თანახმად, ერთი თვის განმავლობაში მიმდინარეობდა. ახლა უკვე ვიწყებთ დოკუმენტის განხილვას საპარლამენტო ფორმატში. დღეიდან პარასკევის ჩათვლით ჩატარდება საკომიტეტო მოსმენები და ამის შემდეგ უკვე დაიწყება განხილვა პლენარულ ფორმატში", — აღნიშნა ირაკლი კობახიძემ.
საკონსტიტუციო კომისია ქვეყნის მთავარ კანონში შესწორებებზე 2016 წლის დეკემბრიდან მუშაობდა. კომისიის მუშაობაში თავიდან მონაწილეობდა რვა პოლიტიკური პარტია — მმართველი პარტია „ქართული ოცნება — დემოკრატიული საქართველო" და შვიდი ოპოზიციური პარტია, მაგრამ ბოლოს კომისია პროტესტის ნიშნად ყველა ოპოზიციურმა პარტიამ დატოვა.
