„ის, რომ ქვეყანაში პრობლემებია, ამას ხაზს უსვამს გაეროს კვლევებიც, რომელთა თანახმადაც, თუ საქართველოს დემოგრაფიული პოლიტიკა არ შეიცვლება ქვეყნის მოსახლეობა 2050 წლისთვის, შესაძლოა, 2 985 000 გახდეს, ამიტომ მნიშვნელოვანია, საქართველოს მთავრობამ ამ კუთხით ქმედითი ნაბიჯები გადადგას და სწორედ ამას ეფუძნება ჩვენი რეკომენდაციებიც, რომლებიც ევროპის საუკეთესო პრაქტიკის გათვალისწინებით შემუშავდა", — აღნიშნა გოგა თუშირიშვილმა.
IDFI —ის რეკომენდაციების თანახმად, მთავრობამ უნდა უზრუნველყოს დემოგრაფიული მდგომარეობის გაუმჯობესების ხელშეწყობის ახალი მიზნობრივი სახელმწიფო პროგრამის დამტკიცება, სადაც გათვალისწინებული იქნება ოჯახის/ბავშვის დახმარებასთან დაკავშირებული საკითხები, მაგ: ოჯახის/ბავშვის ფინანსური დახმარების მიღების უფლება სახელმწიფო პროგრამის ბენეფიციარებისთვის გავრცელდეს საქართველოს მთელ ტერიტორიაზე, მიუხედავად იმისა, აღნიშნულ რეგიონში წინა მე-2 და მე-3 წლის განმავლობაში დაფიქსირდა თუ არა წლიური მატების საშუალო დადებითი მაჩვენებელი.
