თბილისი, 10 თებერვალი — Sputnik. საინფორმაციო სააგენტო და რადიო „Sputnik-საქართველო“ საკუთარ რესურსებზე ტელეარხ НТВ-ს საერთაშორისო საბავშვო ვოკალური კონკურსის Ты супер! პირდაპირი ეთერის ტრანსლაციას იწყებს. ტრანსლაცია 11 თებერვალს, თბილისის დროით 21:00 საათზე დაიწყება და ყოველდღე გადაიცემა Sputnik-ის პორტალებზე დსთ-ის სივრცეში, ბალტიის ქვეყნებსა და საქართველოში.
შოუს პირველი მონაწილეები ევრაზიის ქვეყნებიდან იქნებიან ყაზახი, სომეხი და მოლდოველი მომღერლები ვლადიმირ სარაფუტდინოვი, ანგელინა პაპიკიანი და ანა ერხანი.
იმის ნახვა, თუ როგორ ცხოვრობენ და ემზადებიან კონკურსისთვის ნორჩი კონკურსანტები, შესაძლებელია Sputnik-ის ვებ-გვერდებსა და სოციალური ქსელების პროფილურ რუბრიკებში.
Sputnik-ის სოციალურ ქსელებში მომხმარებელს შეუძლია მხარი დაუჭიროს შოუს მონაწილეებს, წარმატება და გამარჯვება უსურვოს მათ. სამშობლოში დაბრუნებულ ნიჭიერ ბავშვებს Sputnik-ი მათ მიმართ გამოთქმულ ყველაზე გამორჩეულ გამოხმაურებებს გააცნობს.
სატელევიზიო შოუს Ты супер! კონკურსანტებს კომპეტენტური ჟიური შეაფასებს, რომლის შემადგენლობაში შედიან რუსეთის წამყვანი მუსიკოსები და პროდიუსერები. მათ შორის არიან: არაორდინალური იოლკა, სტას პიეხა, ვიქტორ დრობიში და მარგარიტა სუხანკინა. პროექტის წამყვანია ვადიმ ტაკმენიოვი.
კონკურსი Ты супер! რუსეთის განათლებისა და მეცნიერების სამინისტროს მხარდაჭერით ხორციელდება.
*პროექტი Ты супер! — ტელეარხ НТВ-სა და საერთაშორისო საინფორმაციო სააგენტო Sputnik-ის პროექტია, რომელიც მზრუნველობამოკლებულ ნიჭიერ ბავშვებს თავის წარმოჩენისა და დიდ სცენაზე დამკვიდრების შანსს აძლევს. კონკურსში რუსეთის, სომხეთის, ბელარუსის, საქართველოს, აზერბაიჯანის, მოლდოვას, უკრაინის, ყაზახეთის, ყირგიზეთისა და ესტონეთის 92 ვოკალისტი მონაწილეობს.
НТВ – რუსეთის უმსხვილესი არასახელმწიფო ტელეკომპანია, რომელიც ფედერალურ მაუწყებლობას ახორციელებს. ეთერში პირველად 1993 წელს გავიდა და მას შემდეგ სტაბილურად შედის რუსეთის ტელებაზრის ლიდერთა სამეულში. НТВ რუსეთის ყველა სუბიექტში გადაიცემა და მოსახლეობის 99,2%-ს მოიცავს.
Sputnik საქართველო — (sputnik-georgia.com) — სააგენტომ ქვეყანაში საქმიანობა 2015 წლის მაისში დაიწყო. ის აერთიანებს ამავე სახელწოდების საინფორმაციო პორტალს ქართულ და რუსულ ენებზე და ინტერნეტ-რადიოს.
Sputnik – ეს არის საერთაშორისო ახალი ამბების სააგენტო და რადიო მულტიმედიური საინფორმაციო ჰაბებით ათობით ქვეყანაში. მოიცავს ვებ-გვერდებს, ანალოგურ და ციფრულ რადიომაუწყებლობას, მობილურ პროგრამებსა და გვერდებს სოციალურ ქსელებში. Sputnik-ის ხელმომწერებს ახალი ამბების მიღება შეუძლიათ 24-საათიან რეჟიმში ინგლისურ, არაბულ, ესპანურ და იტალიურ ენებზე.
